今日係國際窩夫日，而依段期間大家未必可以同朋友去cafe打卡Chill下，相信大家都會掛住唔同嘅小食、甜品！我自己就最掛住牛角包同加咗勁多蜜糖嘅waffle~諗下都覺得肚餓！而喺韓國最近就興起咗一種全新嘅牛角包食法，推出之後仲成為咗大熱打卡食物之一，無論IG、Kakao Talk都勁多人like同分享。今日就等我~金秘書同大家分享這款有趣又可口的創意製法！

立即準備牛角包：https://erb44.app.goo.gl/caZK

Croissant + Waffle = Croffle，即係將佢地二合為一。只要雪櫃有急凍嘅牛角包，放入窩夫機壓制出窩夫嘅紋路就搞掂。比起傳統Waffle綿密帶較重麵粉味道嘅口感，Croffle就鬆軟香脆得多，而且牛油味會更加香同突出，如配搭雪糕，更加會有一種鹹鹹甜甜的有趣感覺。除咗冰凍嘅雪糕，你仲可以放上自己鍾意嘅水果，或者Be Simple只係加蜜糖或果醬，都可以喺屋企enjoy依款創意甜品。如果將佢變成鹹點，你亦可以加brown cheese、煙肉、明太子。下次整完記得影相同我地Share呀！

而窩夫機除咗可以整Croffle，原來仲可以整年糕窩夫！只要將日本或韓國嘅年糕放入窩夫機約3分鐘就食得。年糕嘅煙韌的口感，相對於窩夫牛角包又有另一種不同的風味，大家都不妨一試！

除咗牛角包，依到仲有好多食材選擇，立即Click入嚟睇下！

潮濕到天花板都滴水嘅情況，只要你喺香港生活過都唔會陌生，香港春天嘅潮濕程度真係唔講得笑！相對濕度去到100%都係常有嘅事，濕氣一重個人特別容易攰...

喺中醫嘅角度濕氣對人嘅健康好有影響，喺依排咁嘅情況，健康真係好重要！

等小編綜合幾款去濕湯水俾大家！趕走濕氣！

清補涼

(圖片來源：ohpama)

材料：淮山1両、龍眼肉1両、薏苡仁1両、玉竹9錢、茨實1両、沙參9錢、蓮子1両、百合1両、枸杞子1両、豬腹1/2斤

做法：1)將所有藥材洗乾淨，放入湯煲中稍作浸泡 2) 豬展汆水備用 3) 喺湯煲加入適量清水，用武火將水同藥材一齊煮滾，之後再加入豬展煮滾 4)轉用文火煲兩小時，加入食鹽調味即可

扁豆粳粥湯

(圖片來源：ohpama)

材料：炒白扁豆60克( 或鮮扁豆120克 )、粳米半杯、紅糖適量

做法：1) 將白扁豆用溫水浸泡一晚 2) 然後將浸好嘅白扁豆同粳米一齊放入鍋中煮粥 3) 最後放紅糖調勻即可。

眉豆粉葛赤小豆土茯苓瘦肉湯 

(圖片來源：kuaibao)

材料：眉豆 、赤小豆各1両；蜜棗5粒；土茯苓1斤；生薑3片；粉葛2斤；瘦肉1斤；鹽少許。 

製法：1) 豬肉洗淨後切件，汆水 2) 土茯苓洗淨去皮，拍碎成小塊 3) 其他材料浸透洗淨 4) 將所有材料放入煲內，加入清水12碗，煲滾後改用文火煲2小時 5) 加鹽調味，即可飲用。

核桃栗子淮山瘦肉湯 

(圖片來源：kuaibao)

材料：核桃（連衣）、栗子肉各2両；淮山、扁豆各1両；南棗5粒；瘦肉 1斤；生薑3片，鹽少許。 

製法：1) 豬肉洗淨後切件，汆水 2) 其餘材料洗淨 3)然後將所有材料放入煲內 4) 加入清水10碗 5) 煲滾後改用文火煲1.5小時 6) 加鹽調味，可供飲用。 

補氣化濕茶

(圖片來源：topick)

材料：黨參、北芪、白朮各5錢；雲苓1兩；陳皮1小塊；大棗4粒。 

製法：1) 所有材料洗淨後放入煲內 2) 加入清水5碗 3) 煲滾轉文火煮35分鐘即成。

資料來源: Ohpama, Topick

收納的主要用途係可以快速搵到自己所需物品，同時亦可以節省空間，營造出井井有條的屋企，日本主婦就出名做家務做得好啦，一於跟佢地學習3招神級收納法，打造讓人心動的屋企啦！

分類捨棄法

要學會收納最緊要係有分類歸納嘅概念，切忌全部嘢都堆埋一齊，

同一類別擺埋一齊，咁就可以唔駛再四處尋覓物件。

在分類同時做好斷捨離！將一啲唔會用到，唔再讓你心動的物件捨棄。

標籤顯示法

呢個收納大法可以讓你迅速搵到想要嘅嘢！分類廚房，雪櫃，甚至文件都可以用此收納法！將收納盒或袋上寫低物件名稱，簡單小動作就令你節省好多同想要嘅物件相認嘅時間！

工具致勝大法

工欲善其事，必先利其器！想收納得好就要懂得活用收納工具，多行啲Ikea,日本城，瀏覽家居用品網店，搜羅一啲收納靈感，選購一些收納盒，收納架等，分類放置物品，區分不同區域，收納話咁易！

學識收納法，咁買再多嘢都唔驚亂啦，又可以比多個藉口自己放任購物慾啦！

Stay home無嘢做？靈活運用3招收納法開始執屋啦！

圖片來源：IG Makochi.m

幫朋友或者BB慶祝生日，想搵間餐廳靚得嚟又唔會特別貴？等小編為你精選5間特色餐廳，讓你唔洗再為揀餐廳頭痛眼花。

1.Camellia
環境：餐廳以山茶花為主題，店內有以9999朵山茶花砌成的花牆，店內以粉紅色為主題色。
食物：主打西餐及日式Fushion菜，擺盤精緻，色彩繽紛。
人均：$250-$450（Lunch set $208/人 Tea set $398 2人，設加一收費）
推介指數：3/5
評價：餐廳環境幾靚，食物擺盤都精緻，最啱係食個下午茶打卡，適合帶鐘意影相嘅BB去影幾百張靚相。

地址：尖沙咀梳士巴利道18號Victoria Dockside K11 Musea 地下033號舖
電話：28852320

2. TokyoLima 

環境：具有異國風情，氛圍清幽。
食物：主打日式秘魯菜，食材搭配組合有新意。
人均：$250-$500（PLEASE CHEF FEED ME! $480/人）
推介指數：4/5
評價：特別日子試下創意Fushion菜，唔洗準備咩驚喜，味覺就可以得到驚喜。適合帶鐘意試新嘢嘅BB去食。職員上生日蛋糕時仲會唱生日歌和送上一張即影即有照片。

地址：中環擺花街18-20號地舖（中環站 D2 出口, 步行約5分鐘）
電話：28111152

3.李好純
環境：裝潢別緻，清新淡雅又帶點復古摩登。
食物：主打新派素食，烹調手法結合中西元素，賣相精緻小巧，擺盤同日式定食有相似之處。
人均：$75-$300
推介指數：4/5
評價：適合帶鐘意食得清淡或者素食者嘅BB去。簡單去食個Lunch再繼續下一個行程會係幾好嘅選擇。

地址：中環威靈頓街198號The Wellington地下
電話：2881 1811

另外「李氏餐廳」仲有李好味，李好醒兩間餐廳一樣都位於中環，都係一樣咁有gimmick，有興趣嘅朋友都可以去順便打下卡。

4.十里洋場

環境：典雅又帶點古韻的裝潢，有專業歌手駐場演繹上海名曲，特具上海風情與浪漫。
食物：主打淮揚菜，味道和擺盤盡顯廚師功架。
人均：$250-$400
推介指數：3/5
評價：中餐都可以帶嚟精緻浪漫的情調，最適合鐘意食中菜嘅BB啦。不過駐場歌手就唔係時時有，需要詢問餐廳有關時間安排啦。

地址：香港銅鑼灣恩平道28號利園二期101號舖
電話：2338 5500

5.Prime House Whisky Lounge

環境：北歐風的簡潔配上柔和的燈光，營造出讓人放鬆的高級品味。
食物：主打西餐和威士忌，提供70多款來自蘇格蘭的威士忌，主打單一麥芽蘇格蘭威士忌.
人均：$200-$400
推介指數：4/5
評價：食飯飲酒一次過，九龍區罕有質素餐吧，適合帶鐘意飲威士忌嘅BB去享受微醺的夢幻。

地址：觀塘創業街15號 萬泰利廣場11樓 G 室（牛頭角站 A 出口, 步行約4分鐘）
電話：21161411/91850359 (WhatsApp)

小編就用慣咗鐵鑊，但有時呢，整早餐需要煎個蛋，煎條腸仔或者整個醬汁，覺得有個易潔鑊會方便好多，所以就決定買個易潔鑊，但市面上有咁多易潔鑊，揀邊款好呢？同埋使用易潔鑊又有咩注意事項，點樣保養，點樣用得健康呢？就等做過research嘅小編將佢啲學習成果一次過比你地啦！

揀易潔鑊應該考慮以下三個方面。

1. 主要用途：要揀啱尺寸和重量配合使用
2. 塗層耐用度：要揀一個塗層無咁易刮花嘅。
3. 手柄承重度：要揀一個手柄不容易脫落，承重量高嘅。

市面上呢有太多唔同嘅易潔鑊，真係睇到眼花繚亂，都唔知揀邊款好。以下係常見嘅易潔鑊分類：

圖片來源：消費者委員會 網站

易潔鑊的健康隱患

有專家認為只要含PTFE物料的易潔鑊都最好唔用，原因係PTFE塗層製作常會用一種PFOA的化學物質，屬可能致癌之物。 另外，PTFE遇上高溫（＞350°C）分解時，也可能釋出PFOA。有研究顯示PFOA可能損害肝臟功能、影響生殖功能或致癌。

所以建議日常使用溫度限制在250°C以下。不過平時煮食方法，炒下餸，煎下肉溫度一般不會超過250°C。揀易潔鑊最好留意返有無寫明係不含PFOA。

3款易潔鑊推介：

消委會推介，高性價比之選！

IKEA OUMBÄRLIG 24cm易潔鑊：經過消委會測試，從塗層耐用度、手柄承重度和傳熱速度均有出色表現。厚鍋底的設計，上下兩層為不鏽鋼，中間為鋁，使食物均勻受熱，不易黏鍋，塗層不易脫落和手柄都堅實耐用。

陶瓷塗層，健康之選！

GreenPan淺形煎炒鍋：採用Thermolon™ 天然礦物質陶瓷塗層技術，具有卓越不黏效果、清洗容易、持久耐用。健康、安全，不含有害物質； 生產過程不使用PFOA，絕不含PTFE。 耐高溫達 450°C 而不會釋放任何有毒氣體，安全健康。

少女心爆發，心動之選！

Chef  Topt La Rose 平底鍋：鍋底係玫瑰花樣，見到都少女心爆發。使用環保陶瓷塗層，天然材質製成，絕不釋出 對人體有害的成分。獨家環保銀塗層，具抗菌效果，可避免細菌滋生，更耐磨損，塗料不易脫落。陶瓷塗層會釋出遠紅外線，使食物快速均勻受熱，縮短烹調時間，達至節能放果。整個鍋具鑄鋁成形，並無接縫，不藏污穢，易清洗。

健康使用易潔鑊貼士：

1.落油才開火：易潔鑊與鐵鑊唔同，不能乾燒熱鑊。其過程可令塗層剝落，慢性殘害身體。因其表面塗層不能承受乾燒的熱度，所以應需先落油後才預熱，炒菜時亦不能太高溫，更不可大力刮花鑊面。

2.唔可以用鐵鑊鏟，宜用木﹑塑膠或矽膠鑊鏟攪動食物。

3.唔可以炒帶殼蝦、蟹、蜆或帶骨肉類，以免刮花塗層。

4.可以用海綿或棉布清洗，不能用粗糙的百潔布或鐵絲球。

5.使用易清鑊後，讓易潔鑊自然冷卻，不應立即注入冷水。

6.若遇到易潔塗層脫落，應盡快停用。

7.盡量以中小火煮食，火舌不可大過鑊底。