唔少牛魔王都鍾意係屋企嘆扒，貪方便之餘，又可以跟自己口味去決定幾成熟或者加咩配菜。不過食下食下，人人都會發現喺餐廳食嘅牛扒腍滑juicy，但點解自己煎嘅牛扒就又嚡又韌，永遠同餐廳水平有一段距離？除咗要睇你嘅煎扒技功同調味功夫，事前嘅準備功夫都好重要㗎！

咪以為只喺準備好一塊扒好簡單，由選對部位到選擇煮法都已經係一門學問，中間仲要牽涉到解凍依個步驟。或者唔少入廚新手嘅朋友以為，解凍即係將一塊扒放係室溫地方就OK，但事實你只係啱咗一半！要解凍幾耐？冰鮮同急凍係味道上有咩唔同，你又知唔知？

急凍牛扒保質期較長，故雪藏味較重。所以解凍唔能太急，所以需要提早一晚將牛扒放喺碟上，由冰格移至蔬菜隔（0°C-4°C），令牛扒慢慢解凍。要留意番，係解凍期間佢會流血水，唔需要太擔心！

至於冰鮮牛扒就比較新鮮，味道上亦較貼近原來嘅肉味，不過保存期較短，大家要留意番！只要開火煎之前30分鐘，將牛扒由雪櫃放到室溫地方，就可以慢慢完成解凍步驟架喇！

解凍好之後記得要調味！如果唔係你煎得再靚都只會淡而無味，咁就白費心機啦！
簡單用海鹽、黑胡椒，根據口味均勻咁灑喺扒上面就OK～

最後記得要用啱嘅油去煎，咁就可以輕鬆煎出100分嘅靚扒啦！
記得要相機先食～煎得咁靚唔係唔同親友share呀～

看似簡單嘅煎牛扒，只要加上唔同嘅醬汁，就可以帶出唔同嘅味道！今日小編就同大家分享四種易整又好味嘅獨家醬汁，除咗為牛扒錦上添花外，仲可以用嚟煮其他不同菜色，豐富你嘅餐桌！

【即買即煎：https://erb44.app.goo.gl/mMwr】

香草牛油除咗用於牛扒，仲可以用於煎或焗海鮮，提升食材香味！
製作方法
1、先軟化黃油，再切碎香草、大蒜，在小鍋內加熱2大匙黃油。
2、融化後加入蒜蓉爆香，趁熱一起澆到香草碎上拌勻倒在保鮮膜上。
3、剩下的黃油、鹽和現磨黑胡椒拌勻後，倒在同一保鮮膜上，捲成長條狀，冰箱冷藏2小時即可定型。

藍莓醬酸酸甜甜，可以醒胃同埋減低油膩感！
製作方法
1、先將藍莓和紅蔥頭倒入鍋中。
2、將2：1或3：1的紅酒和紅酒醋倒入鍋中。
3、加入牛油，以細火製作。
4、將經過熬煮嘅藍莓倒入攪拌機打成醬。
5、再將打好嘅藍莓醬倒回鍋煮至濃稠。

意式青醬較多朋友用嚟煮意粉，羅勒嘅香味清新可口，可以令菜式嘅鮮味提升多啲！
製作方法
1、羅勒焯水之後浸冰水，取出弄乾。
2、稍為剁碎之後加入攪拌機，加兩小匙焯過羅勒嘅熱水，倒入芝士，松子和大蒜，倒入30g左右橄欖油。
3、可按個人口味調教橄欖油多少，直至達到自己喜歡嘅稠度。
4、按個人口味加入鹽、胡椒調味及約等如半個檸檬嘅檸檬汁，打勻之後密封保存。

第戎芥末醬可製作法式燉菜、奶油燉雞，因為佢嘅特別味道同口感，唔少法式餐廳都話佢係神秘/特色/招牌醬汁！
製作方法
1、喺煎完牛排嘅平底鍋到趁熱倒入一杯高湯，一邊煮一邊刮起鍋底粘結的褐色物質，濃縮至1/2。
2、加入適量黃油面糊（冷的），同時攪勻使其融化，這個過程醬汁會變稠，注意不要加多了，逐次加入少少。
3、加入鹽和黑胡椒調味，最後離火加入一匙芥末醬，迅速攪勻之後即起鍋，不可再回火加熱，容易結塊分離（注意芥末醬本身有鹹味，所以調鹽的時候注意不要加多了）。

四百次咖啡同1000次梳乎厘奄列後，外國最近有一款新食譜爆紅——「Pancake Cereal」



細細粒超得意的迷你班戟! 加上蜜糖或牛奶變做cereal早餐，夠哂ig-able，好邪惡呀！
做法仲非常簡單，即刻睇下點整啦~

所需材料:

麵粉 1 1/4 杯

糖 2茶匙

鹽1/2茶匙

發粉 （baking powder）1湯匙

蛋1隻

奶1杯

油2湯匙

造法:

1) 將麵粉丶糖丶鹽及發粉用篩篩過。

2) 將蛋丶奶丶油略打勻，加入乾的材料中，用發蛋器伴勻至麵糊幼滑。

3) 用中火燒熱平底鍋，將大約1湯匙的麵糊放在平底鍋上，隔一點距離再加1匙，如此類推，確保 pancake不會黏在一起。

4) 將 pancake 煎至底部轉金黃色，形成的氣泡亦升上面層，即可反轉煎另一面。

5) 煎至金黃色，即成迷你pancake！