咪以為日式早餐嚟嚟去去得幾款，想小朋友同老公食得開心點都要花啲心思先得。今日趁有時間，一於同大家分享3款易整又好味嘅日式簡易早餐！

煙肉早餐杯

材料
煙肉片4片、雞蛋4隻、法式芥末醬、鹽、胡椒粉、碎韭菜

材料
枝豆150g、400ml水、味噌

步驟
1. 先將枝豆落鑊輕輕炒至表面轉色。
2. 先將約400ml嘅水煲滾，再加入炒好嘅枝豆，轉中火煲7分鐘。

3. 加入一匙味噌，煮融即可。

三文魚蛋黃醬拌飯

材料
鹽燒三文魚、蔥、蛋黃醬、冷麵汁、胡椒

步驟
1. 先將鹽燒三文魚放入微波爐加熱。
2. 稍微冷卻後將三文魚去骨並攪碎。

3. 加入一匙蛋黃醬、1/3茶匙冷麵汁，再以胡椒調味後撈勻。
4. 將蛋黃醬三文魚加上飯，灑上蔥花即可。

半個鐘唔洗就食得，簡單至3或4個步驟就OK，真係好方便！想試下煮？快啲去SoZmart買齊食材啦！

最近有款以港式檸茶入酒嘅雞尾酒大受歡迎，你又有無諗過檸茶同雞翼嘅味道都可以好夾？再學埋經典又好味嘅瑞士雞翼，咁就唔洗整嚟整去嗰幾味啦！

檸檬茶雞翼

準備時間：2小時內

材料 (4人)：
檸檬2個、檸檬茶1包、紅茶包1個、生粉、鹽、雞翼12隻

步驟：

1. 先沖好紅茶包，備用。

2. 加入生粉、鹽、檸檬、半包檸檬茶、紅茶，雞翼醃大概1-2小時。

3. 加油落鑊，將雞翼表面煎至金黃色。

4. 倒入剩餘嘅檸檬茶，慢煮雞翼。

瑞士雞翼

準備時間：1小時內

材料 (4人)：
老抽、水、薑3片、生抽、冰糖、蔥、雞翼10隻

步驟：

1. 蔥切成段後，加埋雞翼一齊汆水，然後浸泡冰水過冷河。
2. 生抽，老抽，冰糖、水放入煲到煮滾。由於瑞士汁味道偏甜，大家可以自行調校甜味。

3. 放入雞翼煮約5分鐘後，熄火，焗20-25分鐘即可。

幾個步驟就搞掂真係夠哂方便，快如瑞士雞翼仲可以3個步驟就食得，啱哂怕麻煩但又想食嘅大家！快啲嚟SoZmart買齊食材，開鑊煮啦！

除咗とんかつ，大家又有無食過牛かつ？作為屯門牛牛，當然鍾意食牛啦，而且炸牛排用到嘅烹調時間短，外酥內軟的口感，食再多都唔會覺得膩，所以日本都唔少人鍾意食。既然飛唔到，你想唔想試下係屋企自家製？想就快啲準備好喇！

料理時間：20分鐘

材料 (4人)：
500g 加拿大肉眼牛排 (使用紐約客部位也可以)、適量麵粉、雞蛋1隻、適量麵包糠

加拿大AAA+ 安格斯肉眼扒 (Rib-Eye) 250g
按此選購

加拿大AAA+ 安格斯無骨西冷/ 紐約客牛扒 300g
按此選購

步驟：
1. 將牛肉由雪櫃取出，放置室溫約30分鐘。
2. 30分鐘後用廚房紙巾將牛排表面水分擦乾，切半。

3. 先包上薄薄嘅麵粉後，加上蛋液後再沾取麵包糠。
4. 平底鑊倒入多少少嘅油；加熱至180~200度 (想測試溫度，可以喺鑊到灑少少麵包糠；若麵包糠快速散開仲起泡就代表啱哂溫度)

5. 將其中一半牛排落鑊，單面炸1分鐘；翻面再炸1分鐘後撈出。用一樣的方式再炸另一半的牛排。
6. 想口感再脆啲，可以再將油溫升高，回炸1分鐘。

依款日式炸牛排除咗加蘿蔔蓉同柚子醋，原來加豉酒、Wasabi都好夾。每咬一啖都有肉汁流出嚟，香口又唔滯，撈飯一流！

想成班朋友出去打邊爐，但又未必到到可以六人一枱，有無諗過同朋友係屋企嘆壽喜燒？要自家製壽喜燒其實一啲都唔難，快啲買齊料一齊開始整啦！

壽喜燒醬汁(四人份)：
醬油100ml、味霖100ml、清酒100ml、昆布湯150ml

壽喜燒配料：
洋蔥1/6顆、青蔥1條、高麗菜/大白菜適量

步驟：
1. 先按照1:1:1:1.5嘅比例，調較好壽喜燒醬汁備用。

2. 細火倒油落鑊將洋蔥爆香，約1分鐘後加入青蔥。

3. 加入調較好嘅壽喜燒醬汁，加入高麗菜或大白菜冚好煲蓋煮滾。

4. 5分鐘後，打開煲蓋，如已經煮滾就可以開始Sukiyaki Party喇！

講到壽喜燒一定唔少得靚牛肉，記住要快手買埋先開Party呀！

加拿大AAA+ 安格斯肉眼扒 (Rib-Eye) (刨片) 250g
按此選購

而家SoZmart仲有幾款唔同嘅刨片方便大家打邊爐時食，大家可以入佢地網站睇睇！
按此瀏覽更多資訊

放假煲劇，有時真係會頂唔住肚餓，不過預期用杯麵、薯片各種邪惡零依頂肚，不如食番餐好。今日就同大家share下依個啱哂消夜食嘅牛仔杯杯千層麵，你仲可以自由變換成混搭墨西哥或者希臘風味，係咪好吸引呢！

材料 (12人份)：
1磅 (約0.45 kg) 瘦牛肉加免治牛肉、½杯洋蔥碎、½杯蘑菇碎、2大匙新鮮羅勒碎、1大匙蔥碎、1杯粉狀帕馬森芝士、1杯碎狀莫札瑞拉芝士、¾杯 茅屋芝士、24塊餛飩皮

調味醬汁：
1杯意大利粉醬、鹽、胡椒

步驟
1. 喺平底鍋加入適量油煎熟免治牛肉、洋蔥同蘑菇。倒掉滲出嘅肉汁或湯水。加入意大利粉醬並充分加熱。
2. 同時將茅屋芝士同羅勒、蔥、鹽和黑胡椒撈勻備用。

3. 準備好12個已經揸咗食油嘅Muffin杯。將餛飩皮壓入每一個Muffin杯底部。加入各約一小匙嘅帕馬森芝士、莫札瑞拉芝士、茅屋芝士，最後放上一大匙剛材煮好嘅加入免治牛肉嘅意大利粉醬。
4. 放入第二層餛飩皮入每一個Muffin杯，放上大約各一小匙嘅芝士。然後再將剩低嘅意大利粉醬平均分配到每一個Muffin杯。可視個人口味加入粉狀帕馬森起司或者莫札瑞拉起司。

5. 預熱 190°C 嘅焗爐到中焗15 至 20 分鐘。
6. 拎出嚟之後放大概5至10分鐘，再用刀從Muffin杯中取出牛仔杯杯千層麵就食得喇！

想變成墨西哥風味，可以係意大利粉醬到加入半杯莎莎醬、2/3杯罐裝紅腰豆、兩大匙辣椒粉同一小匙孜然粉，最後用切碎嘅德州墨西哥車打芝士代替莫札瑞拉芝士就可以食到佢地嘅香辣口感。至於想試希臘風味嘅大家，可以係意大利粉醬到加入1½杯嘅奧勒岡葉香料同1/4小匙肉桂粉，記得用塊狀Feta Cheese代替莫札瑞拉起司喎！

依款小食除咗可以睇波時食，小朋友開生日party都可以整㗎，無論係大人定小朋友嘅口味都照顧到，一於今晚煲劇時試試。