悠樂分享
在日人妻 提供
170
117d
542
簡易日式食譜:牛肋條關東煮

講到日本人冬天最鍾意食嘅嘢,除咗壽喜燒之外,一定係關東煮。食完之後成個人最笠笠,無論係捱夜肚餓定口痕想食宵夜,都係一個不錯選擇。不過預期次次都去便利店買,都係屋企煮再抵食啲!今次就同大家分享依個易整又最啱冬天煮嘅菜式。

材料(2人份)
牛肋條500g、白蘿蔔200g、雞蛋4隻、蔥適量、
日式高湯600cc、清酒150cc、糖3大匙、醬油2大匙、鹽適量

步驟


1. 先將白蘿蔔去皮,再切成適當大細。


2. 牛肋條解凍後切成適當大細。


3. 開火,牛肋條先汆水,撈起後印乾水份備用。


4. 雞蛋、白蘿蔔,加水用大火煲滾。再轉細火煮12分鐘。


5. 熄火,撈起雞蛋、白蘿蔔再放入水浸泡;雞蛋去殼。

7. 加入高湯、清酒、牛肋條、白蘿蔔同雞蛋,用中火煲滾。


8. 隔走浮面嘅雜質後加糖、醬油。


9. 轉細火後冚蓋,再煮30分鐘。

10. 30分鐘後,加鹽調味,再煮多15分鐘就完成。

剛煮好嘅關東煮夠哂熱辣辣,食嘅時候要小心睇熱呀!不過天氣咁凍,唔趁熱食又點得喎,下次再同大家分享地道日式食譜啦!


在日人妻 提供
178
120d
540
惠方卷3大規則!正宗做法大
公開

Hello~好耐無見喇!話咁快又已一年,每年喺立春之前,日本人都會跟足傳統食一種帶有吉利意思嘅惠方卷。據說惠方卷源自關西,「惠方」就係指該年吉利嘅方位,普遍日本人都相信,食咗就可以變得好運。既然係傳統食物,一定有唔同規矩,今次就分享三個你一定要知嘅規則啦!

流年方位你要知!

根據傳統,大家食惠方卷嘅時候係要向住每年唔同嘅吉利方位,而方位都會因應天干而有所不同。日本嘅方位有「東北東」、「西南西」、「南南東」同「北北西」四種。2021年嘅惠方係「南南東」、2022年係「北北西」。大家要留意下流年喇!

食嘢咪講嘢!

日本人相信,一邊吃惠方卷一邊講嘢會令運氣走哂。所以正確吃法係,一邊許願,一邊靜靜地將惠方卷食完。

咪切!人人都係快吞轟!

可能你會話惠方卷咁長,切開食好啲,不過你咁做就大錯特錯喇!因為將惠方卷切開即係將好運切斷,千祈咪亂嚟呀!同樣,一口氣將惠方卷吃完,先可以將好運、運氣一次過妖入袋,來年會keep住幸福咁解。

講哂三個規則,你又想唔想知惠方卷點整呢?

材料
白飯2人份、壽司醋3大匙、蛋1隻、青瓜1條、蟹柳、紫菜

步驟


1. 先將壽司醋慢慢加落煮好嘅白飯,撈勻之後攤凍備用。


2. 將青瓜切絲、蟹柳撕碎,而雞蛋就煎成蛋皮後切絲。


3. 竹蓆上舖好紫菜、醋飯,再將青瓜、蟹柳、蟹絲舖係醋飯上面。再慢慢將惠方卷卷好即成。記住要一邊許願一邊卷呀!

食完咁有意頭嘅傳統食物,小編都祝大家新一年順順利利,最緊要開心又健康!



虎BB 提供
185
123d
614
虎虎生威賀年菜!3款簡易牛
肉年菜食譜 Round Two

用牛肉炮製而成嘅賀年菜又點止得三款咁少,今日再同大家分享另外三款小編精選咗嘅賀年菜食譜!新年假期期間想招呼親友,有依幾道菜傍身就唔怕失禮啦!

京醬牛肉絲

材料
菲力牛肉600g、酒1湯匙、蔥少許、莞茜少許、生抽2湯匙、麻油1茶匙、菜油1湯匙、

京醬材料
豆瓣醬2湯匙、酒1湯匙、麻油2茶匙、海鮮醬1湯匙、菜油1/2湯匙、水1湯匙

步驟

1. 牛肉切絲後用用酒,生抽 (醬油),1茶匙麻油醃 10 分鐘,落鑊前先加 1 湯匙油。


2. 開鑊落半湯匙油,將肉絲放入排開,先煎香一面。


3. 翻轉再煎至另一面金黃,翻炒一下至6成熟就可以兜起備用。


4. 再落半湯匙油,將已經撈勻嘅京醬倒入後煲滾。


5. 滾起後立即加入肉絲,快炒均勻就可以熄火,千祈唔好炒至過熟。

6. 將切好嘅蔥絲舖好再加肉絲係面就完成喇!

溫馨提示:
1. 蔥絲浸一浸凍水,可以除去辣味。
2. 牛肉絲醃好後,落鑊前先加油,肉絲較易散開。
3. 做好嘅京醬牛肉絲可以撈飯外,都可以用片皮鴨嘅薄餅連蔥絲一齊捲住食。

西湖牛肉羮 (4人份)

材料
免治牛肉200g、芫荽碎40g、鮮冬菇4隻、蛋白2隻、雞湯250mL、
水1L、胡椒粉1茶匙、鹽1/2茶匙、生粉水4湯匙

牛肉醃料
生抽1湯匙、油1茶匙、麻油1茶匙、胡椒粉1茶匙、糖1/4茶匙、生粉水1湯匙

步驟


1. 用醃料先醃牛肉15分鐘,蛋白打成蛋白液備用。

2. 雞湯、水同鮮冬菇碎用中火煮3分鐘到煮滾。


3. 將1湯勺煲好嘅湯倒入免治牛肉,撈好再倒埋入煲一齊煮滾。

4. 加入生粉水煮至稍為稠身。


5. 慢慢加入蛋白,再用筷子慢慢攪成蛋花狀態。

6. 加埋鹽、胡椒、芫荽碎就完成。

黃金芝心牛肉批

材料
菲力牛肉250g、青椒1個、蒜頭3瓣、鹽1/4茶匙、喼汁1/2湯匙、辣椒醬1/2茶匙、
忌廉芝士120g、酥皮2塊、水牛芝士片6片、雞蛋1隻、鹽適量、胡椒適量

步驟

1. 先將牛肉切粒,再用鹽、胡椒醃10分鐘。


2. 開鑊將青椒、蒜頭爆香,再加入牛肉兜勻。


3. 加鹽、喼汁、辣椒醬調味。


4. 最後加埋忌廉芝士,芝士融化後兜起攤凍備用。


5. 將兩塊酥皮各自分成6份,再依次序舖好芝士片、牛肉餡、第二片芝士。


6. 最後再舖上另一塊酥皮,用叉喺酥皮四邊壓上直紋,封實撻皮。


7. 掃上蛋汁,放入氣炸鍋180度炸10分鐘,炸至金黃色即成。

學齊6款小菜,就算新年過後都可以輕鬆做到街坊廚神啦!


懶羊羊 提供
114
126d
807
懶人必學!電飯煲臘味糯米飯

講到冬天必食,除咗蛇羹、羊腩煲之外,梗係糯米飯。一開蓋就睇住啲熱氣飄出嚟,再加埋臘味獨有嘅香味,確實係秋冬時必食嘅暖身美食。今次我仲搵嚟咗超易整嘅電飯煲臘味糯米飯,就算懶洋洋hea住都可以食到!

材料
糯米2杯、水/冬菇水250mL、蝦米20g、冬菇2飯、花生2湯匙、蔥花適量、蛋絲適量、
乾蔥1粒、臘腸1條、臘肉1塊、生抽1湯匙、蠔油2湯匙、 糖1/2茶匙

步驟


1. 冬菇先浸過夜,隔水後去蒂切碎,冬菇水備用。


2. 蝦米洗乾淨後,用水浸20分鐘。


3. 糯米先洗淨,浸水3小時,隔水後加生抽、蠔油、糖撈勻。


4. 臘腸、臘肉汆水5分鐘,瀝乾水後切碎。


5. 開鑊落油,將乾葱、臘味粒、冬菇粒、蝦米炒香。


6. 將糯米飯同炒香咗嘅配料撈勻,放入電飯煲內,再加入冬菇水。


7. 冚上電飯煲,按「煮飯」程式,完成後再焗多15分鐘。


8. 可以按自己口味,加上葱花、花生、蛋絲即成。

輕鬆簡單就煮到香噴噴糯米飯,今個冬天想懶洋洋但又想食好嘢暖啲都再無問題啦!


小新 提供
148
129d
1212
醉物秘技大公開!(附不敗醉
雞食譜)

開party一定離唔開美食,除咗之前教落嘅香口小食,有無諗過整煮物?用現成嘅醉汁整嫌唔夠滋味?不如跟住小編搵到嘅3大秘技,咁就整咩醉物都無問題啦!

醉汁有咩材料?


醉汁一般會用花雕、玫瑰露、糟滷等,亦會有人用白蘭地。不過海鮮就同玫瑰露最夾,如果大家想浸肉,可以喺醉汁到加少少XO醬。

醉物係咪浸耐啲入味啲?


錯!反而浸耐咗會變苦!基本上,食材浸過夜就可以,想酒味濃一點,可浸2-3日。如果食材2-3日仲未食哂,可以倒咗啲醉汁,將醉物放入密實盒雪藏,不過都要盡快享用。提提大家,醉汁唔好重用,因為用過嘅醉汁酒味會減弱,亦有機會浸入咗其他食材嘅味道。

醉物想入味啲,可以點做?


咁要由開始到著手。如果食材太大件或太厚身,浸泡時有機會令酒味難以滲入食材,做成外圍有酒味、中間唔入味嘅情況。所以處理較厚身的食材,如鮑魚、雞髀等,可以先係食材表面鎅幾刀令酒味容易滲入。而蔬果類嘅醉物,如醉雪梨、蘿蔔等,建議可切成骰嘅大細。

講咗咁耐,係咪想實戰一下呢~一於跟埋食譜,整番個不敗醉雞。

材料
無骨雞髀2隻、錫紙2張、紹興酒400cc、鹽1茶匙、米酒2大匙

醉汁材料
高湯300cc、當歸8g、薑片15g、枸杞10g、鹽1茶匙、糖1茶匙

步驟

1. 將雞髀皮朝下分別放喺錫紙上,再均勻撒上調味料。


2. 用錫紙將雞髀捲成圓筒狀,並將開口捲實。


3. 開火煲水,煲滾後放入雞髀。轉細火,冚上鍋蓋,煮30分鐘。


4. 雞髀煮熟後再放入冰水。


6. 用另一個煲,放入醉汁嘅材料煮開,再滾約1分鐘後放涼。


7. 醉汁攤凍後,倒入紹興酒攪勻。


8. 雞髀撕走錫紙,再浸入醉汁,冷藏一晚後即可切片食用。

雖然要早一晚準備,不過都係簡單步驟就完成。大家不妨試試!


在日人妻 提供
簡易日式食譜:牛肋條關東煮
170
117d
542

講到日本人冬天最鍾意食嘅嘢,除咗壽喜燒之外,一定係關東煮。食完之後成個人最笠笠,無論係捱夜肚餓定口痕想食宵夜,都係一個不錯選擇。不過預期次次都去便利店買,都係屋企煮再抵食啲!今次就同大家分享依個易整又最啱冬天煮嘅菜式。

材料(2人份)
牛肋條500g、白蘿蔔200g、雞蛋4隻、蔥適量、
日式高湯600cc、清酒150cc、糖3大匙、醬油2大匙、鹽適量

步驟


1. 先將白蘿蔔去皮,再切成適當大細。


2. 牛肋條解凍後切成適當大細。


3. 開火,牛肋條先汆水,撈起後印乾水份備用。


4. 雞蛋、白蘿蔔,加水用大火煲滾。再轉細火煮12分鐘。


5. 熄火,撈起雞蛋、白蘿蔔再放入水浸泡;雞蛋去殼。

7. 加入高湯、清酒、牛肋條、白蘿蔔同雞蛋,用中火煲滾。


8. 隔走浮面嘅雜質後加糖、醬油。


9. 轉細火後冚蓋,再煮30分鐘。

10. 30分鐘後,加鹽調味,再煮多15分鐘就完成。

剛煮好嘅關東煮夠哂熱辣辣,食嘅時候要小心睇熱呀!不過天氣咁凍,唔趁熱食又點得喎,下次再同大家分享地道日式食譜啦!


在日人妻 提供
惠方卷3大規則!正宗做法大公開
178
120d
540

Hello~好耐無見喇!話咁快又已一年,每年喺立春之前,日本人都會跟足傳統食一種帶有吉利意思嘅惠方卷。據說惠方卷源自關西,「惠方」就係指該年吉利嘅方位,普遍日本人都相信,食咗就可以變得好運。既然係傳統食物,一定有唔同規矩,今次就分享三個你一定要知嘅規則啦!

流年方位你要知!

根據傳統,大家食惠方卷嘅時候係要向住每年唔同嘅吉利方位,而方位都會因應天干而有所不同。日本嘅方位有「東北東」、「西南西」、「南南東」同「北北西」四種。2021年嘅惠方係「南南東」、2022年係「北北西」。大家要留意下流年喇!

食嘢咪講嘢!

日本人相信,一邊吃惠方卷一邊講嘢會令運氣走哂。所以正確吃法係,一邊許願,一邊靜靜地將惠方卷食完。

咪切!人人都係快吞轟!

可能你會話惠方卷咁長,切開食好啲,不過你咁做就大錯特錯喇!因為將惠方卷切開即係將好運切斷,千祈咪亂嚟呀!同樣,一口氣將惠方卷吃完,先可以將好運、運氣一次過妖入袋,來年會keep住幸福咁解。

講哂三個規則,你又想唔想知惠方卷點整呢?

材料
白飯2人份、壽司醋3大匙、蛋1隻、青瓜1條、蟹柳、紫菜

步驟


1. 先將壽司醋慢慢加落煮好嘅白飯,撈勻之後攤凍備用。


2. 將青瓜切絲、蟹柳撕碎,而雞蛋就煎成蛋皮後切絲。


3. 竹蓆上舖好紫菜、醋飯,再將青瓜、蟹柳、蟹絲舖係醋飯上面。再慢慢將惠方卷卷好即成。記住要一邊許願一邊卷呀!

食完咁有意頭嘅傳統食物,小編都祝大家新一年順順利利,最緊要開心又健康!



虎BB 提供
虎虎生威賀年菜!3款簡易牛肉年菜食譜 Round Two
185
123d
614

用牛肉炮製而成嘅賀年菜又點止得三款咁少,今日再同大家分享另外三款小編精選咗嘅賀年菜食譜!新年假期期間想招呼親友,有依幾道菜傍身就唔怕失禮啦!

京醬牛肉絲

材料
菲力牛肉600g、酒1湯匙、蔥少許、莞茜少許、生抽2湯匙、麻油1茶匙、菜油1湯匙、

京醬材料
豆瓣醬2湯匙、酒1湯匙、麻油2茶匙、海鮮醬1湯匙、菜油1/2湯匙、水1湯匙

步驟

1. 牛肉切絲後用用酒,生抽 (醬油),1茶匙麻油醃 10 分鐘,落鑊前先加 1 湯匙油。


2. 開鑊落半湯匙油,將肉絲放入排開,先煎香一面。


3. 翻轉再煎至另一面金黃,翻炒一下至6成熟就可以兜起備用。


4. 再落半湯匙油,將已經撈勻嘅京醬倒入後煲滾。


5. 滾起後立即加入肉絲,快炒均勻就可以熄火,千祈唔好炒至過熟。

6. 將切好嘅蔥絲舖好再加肉絲係面就完成喇!

溫馨提示:
1. 蔥絲浸一浸凍水,可以除去辣味。
2. 牛肉絲醃好後,落鑊前先加油,肉絲較易散開。
3. 做好嘅京醬牛肉絲可以撈飯外,都可以用片皮鴨嘅薄餅連蔥絲一齊捲住食。

西湖牛肉羮 (4人份)

材料
免治牛肉200g、芫荽碎40g、鮮冬菇4隻、蛋白2隻、雞湯250mL、
水1L、胡椒粉1茶匙、鹽1/2茶匙、生粉水4湯匙

牛肉醃料
生抽1湯匙、油1茶匙、麻油1茶匙、胡椒粉1茶匙、糖1/4茶匙、生粉水1湯匙

步驟


1. 用醃料先醃牛肉15分鐘,蛋白打成蛋白液備用。

2. 雞湯、水同鮮冬菇碎用中火煮3分鐘到煮滾。


3. 將1湯勺煲好嘅湯倒入免治牛肉,撈好再倒埋入煲一齊煮滾。

4. 加入生粉水煮至稍為稠身。


5. 慢慢加入蛋白,再用筷子慢慢攪成蛋花狀態。

6. 加埋鹽、胡椒、芫荽碎就完成。

黃金芝心牛肉批

材料
菲力牛肉250g、青椒1個、蒜頭3瓣、鹽1/4茶匙、喼汁1/2湯匙、辣椒醬1/2茶匙、
忌廉芝士120g、酥皮2塊、水牛芝士片6片、雞蛋1隻、鹽適量、胡椒適量

步驟

1. 先將牛肉切粒,再用鹽、胡椒醃10分鐘。


2. 開鑊將青椒、蒜頭爆香,再加入牛肉兜勻。


3. 加鹽、喼汁、辣椒醬調味。


4. 最後加埋忌廉芝士,芝士融化後兜起攤凍備用。


5. 將兩塊酥皮各自分成6份,再依次序舖好芝士片、牛肉餡、第二片芝士。


6. 最後再舖上另一塊酥皮,用叉喺酥皮四邊壓上直紋,封實撻皮。


7. 掃上蛋汁,放入氣炸鍋180度炸10分鐘,炸至金黃色即成。

學齊6款小菜,就算新年過後都可以輕鬆做到街坊廚神啦!


懶羊羊 提供
懶人必學!電飯煲臘味糯米飯
114
126d
807

講到冬天必食,除咗蛇羹、羊腩煲之外,梗係糯米飯。一開蓋就睇住啲熱氣飄出嚟,再加埋臘味獨有嘅香味,確實係秋冬時必食嘅暖身美食。今次我仲搵嚟咗超易整嘅電飯煲臘味糯米飯,就算懶洋洋hea住都可以食到!

材料
糯米2杯、水/冬菇水250mL、蝦米20g、冬菇2飯、花生2湯匙、蔥花適量、蛋絲適量、
乾蔥1粒、臘腸1條、臘肉1塊、生抽1湯匙、蠔油2湯匙、 糖1/2茶匙

步驟


1. 冬菇先浸過夜,隔水後去蒂切碎,冬菇水備用。


2. 蝦米洗乾淨後,用水浸20分鐘。


3. 糯米先洗淨,浸水3小時,隔水後加生抽、蠔油、糖撈勻。


4. 臘腸、臘肉汆水5分鐘,瀝乾水後切碎。


5. 開鑊落油,將乾葱、臘味粒、冬菇粒、蝦米炒香。


6. 將糯米飯同炒香咗嘅配料撈勻,放入電飯煲內,再加入冬菇水。


7. 冚上電飯煲,按「煮飯」程式,完成後再焗多15分鐘。


8. 可以按自己口味,加上葱花、花生、蛋絲即成。

輕鬆簡單就煮到香噴噴糯米飯,今個冬天想懶洋洋但又想食好嘢暖啲都再無問題啦!


小新 提供
醉物秘技大公開!(附不敗醉雞食譜)
148
129d
1212

開party一定離唔開美食,除咗之前教落嘅香口小食,有無諗過整煮物?用現成嘅醉汁整嫌唔夠滋味?不如跟住小編搵到嘅3大秘技,咁就整咩醉物都無問題啦!

醉汁有咩材料?


醉汁一般會用花雕、玫瑰露、糟滷等,亦會有人用白蘭地。不過海鮮就同玫瑰露最夾,如果大家想浸肉,可以喺醉汁到加少少XO醬。

醉物係咪浸耐啲入味啲?


錯!反而浸耐咗會變苦!基本上,食材浸過夜就可以,想酒味濃一點,可浸2-3日。如果食材2-3日仲未食哂,可以倒咗啲醉汁,將醉物放入密實盒雪藏,不過都要盡快享用。提提大家,醉汁唔好重用,因為用過嘅醉汁酒味會減弱,亦有機會浸入咗其他食材嘅味道。

醉物想入味啲,可以點做?


咁要由開始到著手。如果食材太大件或太厚身,浸泡時有機會令酒味難以滲入食材,做成外圍有酒味、中間唔入味嘅情況。所以處理較厚身的食材,如鮑魚、雞髀等,可以先係食材表面鎅幾刀令酒味容易滲入。而蔬果類嘅醉物,如醉雪梨、蘿蔔等,建議可切成骰嘅大細。

講咗咁耐,係咪想實戰一下呢~一於跟埋食譜,整番個不敗醉雞。

材料
無骨雞髀2隻、錫紙2張、紹興酒400cc、鹽1茶匙、米酒2大匙

醉汁材料
高湯300cc、當歸8g、薑片15g、枸杞10g、鹽1茶匙、糖1茶匙

步驟

1. 將雞髀皮朝下分別放喺錫紙上,再均勻撒上調味料。


2. 用錫紙將雞髀捲成圓筒狀,並將開口捲實。


3. 開火煲水,煲滾後放入雞髀。轉細火,冚上鍋蓋,煮30分鐘。


4. 雞髀煮熟後再放入冰水。


6. 用另一個煲,放入醉汁嘅材料煮開,再滾約1分鐘後放涼。


7. 醉汁攤凍後,倒入紹興酒攪勻。


8. 雞髀撕走錫紙,再浸入醉汁,冷藏一晚後即可切片食用。

雖然要早一晚準備,不過都係簡單步驟就完成。大家不妨試試!


其他熱門文章

識食教煮

簡易日式食譜:牛肋條關東煮

170

117d

542

潮流熱話

惠方卷3大規則!正宗做法大公開

178

120d

540

潮流熱話

虎虎生威賀年菜!3款簡易牛肉年菜食譜 Round Two

185

123d

614

識食教煮

懶人必學!電飯煲臘味糯米飯

114

126d

807

潮流熱話

醉物秘技大公開!(附不敗醉雞食譜)

148

129d

1212

潮流熱話

虎虎生威賀年菜!3款簡易牛肉年菜食譜

193

132d

1138

識食教煮

簡易酸辣湯餃子食譜

111

135d

703

識食教煮

明太子小食食譜三選

103

138d

748

我的購物車

WhatsApp查詢

 

 

 

 

 

 

下一步
結帳前為您推介
$69
$10031% OFF

加拿大AAA+ 安格斯後腰脊肉西冷扒 (Top Sirloin) 250g

457