芫茜，係一樣好極端嘅食材。鍾意佢嘅人就係愛佢嘅獨特香味，唔愛佢嘅人就會害怕佢嘅味道。今日小編就為咗同我一樣嘅芫茜控搵嚟依款食譜，一於啱食一齊煮啦！

芫茜醬材料
芫茜40g、羅勒40g、巴馬臣芝士粉1茶匙、橄欖油3湯匙、蒜頭2粒、松子仁20g、鹽半茶匙

材料
意粉50g、蜆300g

步驟

1 將芫茜和羅勒洗淨，建議加少少鹽，再印乾水份，摘取葉片。

2 依次將芫茜、羅勒、松子仁、芝士粉、蒜頭、鹽、橄欖油，倒入攪拌機內攪拌至糊狀即可。

3 煲滾水，落鹽、意粉，烚大概8-10 分鐘，撈起瀝乾水份。

4 開鑊燒熱，再落4 茶匙芫茜醬嘅油。

5 先落蜆略炒，加入兩湯匙水或上湯煮到蜆殼全開口。

6 加埋意粉，再加入 3 茶匙芫茜醬，將意粉撈勻直至均勻沾上青醬色，熄火上碟。

小編貼士
1 因芫茜醬含油份，先爆香少少芫茜醬嘅油去炒蜆就唔洗再加油。
2 做好嘅芫茜醬如果唔係即日食，只要放入製冰模並放入冰格急凍，就可以保存醬料嘅鮮香味。

學咗芫茜醬嘅做法，就可以唔同菜式都用到啦！無論意粉定牛扒都好啱配，今晚一於開個芫茜Party賀一賀佢先！

作為西餐嘅入門菜式，煮意粉真係話難唔難，話易又唔係咁容易。煮太耐又會無哂口感，但煮唔透，太硬都唔會食。最近有日本節目就教咗一個極速煮好意粉嘅秘技，咁大家以後就唔洗長駐廚房，仲可以輕鬆煮到好嘢食啦！

想極速煮到啱口感嘅意粉，首先要準備300mL嘅凍滾水，然後將100g嘅意粉浸入去最少一個鐘，等麵條吸飽水，加快佢嘅傳熱速度。記得係開火煮之前再抹乾，咁就只要1分鐘，都可以有平常煮10分鐘嘅彈牙口感喇！如果怕食唔哂，抹乾水份後，用密實袋封好再放入冰箱，仲可以放足1個月添！另外仲有6個新手常犯嘅錯誤可以話俾大家知，咁以後煮意粉就唔會變成煮麵糊啦！

唔啱Size嘅煲

煮意粉係要用大煲嘅。因為用到嘅水量相當多，多到要足夠俾麵條浮起，才可以煮到平均熟透嘅效果。仲要記得煮麵時加大量嘅鹽，因為鹽可以幫手去除麵條表面黏性澱粉同埋調味。如果加水後覺得麵條痴埋一舊，就代表你選擇嘅煲唔夠大、水唔夠多。

記得走油

好多人誤以為煮意粉時落油，可以防止麵條痴埋一齊。其實嗰想佢地痴埋一齊，只要適時攪拌就OK，熟咗之後就會自然分開。反而大家咁快加油，就會令意粉好難滲入醬汁嘅味道，點煮都差啲。

必留煮麵水

煮意粉後留番嘅煮麵水，咪以為無用，其實佢係煮好意粉嘅重要材料！煮好醬汁，同放入麵條後，加入約一匙嘅煮麵水，可以令醬汁更易滲入麵條，仲可以提升醬汁風味，所以下次咪咁快倒走佢地喇！

醬唔係咁倒

一大罐現成醬汁倒落煮好嘅意粉到，好似好方便，其實大錯特錯。如果要煮有醬汁嘅意粉，最好一齊放入平底鑊一齊煮，咁先可以令麵條充分吸收醬汁，而唔係變成「拌麵」。

太多醬

以為醬汁多味道先會夠濃？其實無論醬汁有幾惹味都好，最佳嘅比例是都1磅意粉（約0.45kg）搭配1.5至2杯醬汁。上枱時，醬汁全部沾在麵條上，無水汪汪嘅多餘醬汁為佳。

碗定碟

無論係意大利粉、闊條麵定係粗管麵都好，將麵條放入碗溫度可以維持較耐。不過，義式麵餃放入碗就較為容易散掉，所以唔同菜式要留意番用咩方法上菜。

睇完以上方法同新手常犯嘅錯誤，一於今晚煮番餐卡邦尼意粉嘆下先。

Party Food點會得5款咁少！今次繼續同大家睇多5款易整易學嘅派對小食，如果係嚟緊嘅party同我地一樣整咗依幾款美食，記得係IG Tag番我地，等小編都可以感受下節日氣氛！

焦糖蘋果玫瑰

材料
焦糖醬3湯匙、牛油2湯匙、蘋果2個、千層酥皮3塊、
糖3茶匙、檸檬半個、糖霜

步驟

1 蘋果連皮切片，大概2-3mm厚度。

2 開火將蘋果片放入水中，加砂糖、檸檬汁煮3分鐘至軟身，撈起備用。

3 將酥皮解凍，對折兩次，切成約4cm寬長條狀。將6-7片蘋果鋪喺上面，下層掃上焦糖醬，覆上酥皮，用手慢慢捲成花狀。

4 喺花瓣上面掃上牛油液，放入預熱200℃焗爐，焗10分鐘。最後用糖霜裝飾。

牛油果蝦仁脆片

材料
牛油果4個、急凍蝦仁20隻、番茄仔10粒、蒜頭2粒、青檸2個、
番荽1條、原味希臘乳酪1杯、墨西哥玉米脆片1包、鹽、辣椒粉、黑胡椒、橄欖油

步驟

1 急凍蝦仁解凍後，用鹽、辣椒粉、黑胡椒略醃。用中高火，將蝦仁煎香。

2 牛油果切半去核壓成蓉。番茄仔切粒，再切碎番荽及蒜頭，青檸榨汁，全部加入牛油果蓉撈勻。

3 牛油果蓉放上墨西哥脆片，加少許希臘乳酪，放蝦仁後加番荽裝飾即可。

焗蟹肉魚子多士

材料
法包1條、盒裝蟹肉150g、忌廉芝士150g、蛋黃醬1.5湯匙、
豉油1.5湯匙、芝士碎100g、蒔蘿、紅辣椒粉、黑胡椒碎、鹽、牛油、魚子

步驟

1 蟹肉同忌廉芝士撈勻，再慢慢加入蛋黃醬、豉油、紅辣椒粉、蒔蘿碎、黑胡椒碎、鹽後撈勻。

2 法包斜切約1.5cm 厚，塗上蟹肉醬，灑芝士碎，放入已預熱至180℃焗爐焗10分鐘。

3 最後用魚子、蒔蘿碎裝飾就完成。

氣炸拐杖餅乾

材料
無鹽奶油50g、雞蛋半隻、低筋麵粉120g、糖粉25g、紅麴粉3g、朱古力粉3g、鹽

步驟

1 將無鹽奶油室溫解凍後，分批加入鹽同過篩嘅糖粉後，再加蛋漿，每次都震攪拌均勻。
2 分三次加入過篩麵粉，再用刮刀切拌均勻至無任何麵粉粒。

3 將麵糰分三份，其中兩份加入紅麴粉、可可粉，記得用刮刀切拌均勻。

4 各麵糰各取約5g，搓成球狀。

5 取兩個小圓，分別搓成約5-6cm；慢慢將佢地扭埋一齊，再搓長至10-13cm。

6 捏成拐杖造型，炸籃鋪上烘焙紙後，放入氣炸鍋用170度先炸10分鐘，翻面再炸5分鐘就完成。

三色雪球餅

材料
無鹽奶油140g、糖粉42g、低筋麵粉97g、杏仁粉5g、
草莓粉5g、抹茶粉4g、太白粉120g

步驟

1 無鹽奶油室溫解凍，用打蛋器打至稍為泛白。

2 糖粉過篩加入奶油，繼續打至略為蓬鬆嘅狀態。

3 準備三個碗，分別裝好原味、抹茶同草莓味嘅材料。

4 將奶油糖霜秤重，先分出1/3到另一個碗入面。

5 將原味嘅材料過篩加入，然後用刮刀輕輕攪拌均勻，再用按壓嘅方式整理好。
6 用保鮮紙包好，放入冰箱冷藏至少15分鐘。

7 同樣方式整出草莓口味、抹茶口味嘅粉團，記住要將佢地包好放入冰箱呀！

8 焗爐170度預熱，焗盤鋪好焗爐紙。拎出唔同口味嘅粉團，用切板分成7份，再搓成雪球形狀。

9 170度焗12分鐘後熄火，再焗多8分鐘。

10 攤凍之後就可以加埋糖粉就食得喇！

有齊咁多款菜式你揀，鹹甜飲品麵整到，今個聖誕、新年就唔怕無嘢招呼朋友啦！

去餐廳食飯，大家鍾意飲紅湯定白湯？今次小編就搵到秘技，唔洗用攪拌機，只要15分鐘就煮到2人份量又夠哂creamy嘅忌廉蘑菇湯。一於跟住我地食譜試試啦！

材料
蘑菇1包 (約10粒)、白玉菇1包、洋蔥1個、蒜蓉3湯匙、牛油15g、雞湯500mL、
麵粉2湯匙、忌廉100mL、水500mL、番茜

步驟

1 先將蘑菇用濕布擦乾淨，切片。撕開白玉菇，洋蔥切粒備用。

2 牛油炒香洋蔥至金黃色，再放蘑菇、白玉菇炒至軟身，落調味同蒜蓉。

【Souper Foods】新加坡 周打蜆肉濃湯 (加熱即飲) 500G
按此選購

3 加入麵粉炒勻，慢慢加入雞湯同清水，慢慢攪勻。

4 冚蓋用細火煮5分鐘，最後落忌廉、切碎嘅番茜即成。

【Souper Foods】新加坡 龍蝦忌廉濃湯 (加熱即飲) 500G
按此選購

完成咗嘅蘑菇湯夠哂濃郁，而且唔洗用攪拌機對大家嚟講更加方便。加埋忌廉，口感更加creamy，最啱加埋熱辣辣嘅餐包一齊食！

年尾開Party，作為手殘黨最怕要整嘢食。一來怕整得唔夠靚失禮人，二來廚藝零信心，怕菜式太複雜整完會榮升地獄廚神。同為手殘黨嘅我當然明白，所以今日搵咗5款易學易整嘅party food，等大家入得廚房出得ball場！

南瓜濃湯 (1人份)

材料
南瓜150g、牛奶250cc、番薯1條

步驟

1 先將南瓜、番薯去皮切塊，再用大火蒸10分鐘。

2 攪拌機加牛奶、蒸好嘅番薯、南瓜，然後將佢地打好。

3 倒入碗，加埋你喜歡嘅裝飾就完成喇！

青醬彩椒薄餅 (6人份)

材料
口袋麵包2塊、紅椒1/4個、黃椒1/4個、羅勒3棵、松子3湯匙、蒜頭4瓣、
橄欖油110mL、巴馬臣芝士碎5湯匙、檸檬汁1茶匙、百力滋6條、
黑胡椒、鹽、油、芝士粉

步驟

1 先將羅勒洗淨，摘下葉，紅黃椒切碎。放入攪拌機，再加松子、蒜頭、橄欖油、巴馬臣芝士、檸檬汁、黑胡椒同鹽、打成青醬。

2 口袋麵包平均切成6份，再係麵包邊拮一個窿。

3 平底鑊加油，細火煎口袋麵包兩面各10秒，再將百力滋拮入麵包邊嘅窿。

4 麵包面上加青醬，放上紅黃椒，最後灑上芝士粉即可。

免焗朱古力麥片松果蛋糕 (2人份)

材料
朱古力卷蛋、朱古力麥片、咖啡或橙味橄欖油、糖粉

步驟

1 將朱古力卷蛋切成適合大小。

2 卷蛋加入橄欖油。

3 將卷蛋放入密實袋再揑成水滴形。

4 交錯插入朱古力麥片。秘訣係將交錯順序睇成三角形，下排兩塊，上排中間一塊；角度斜少少，同埋唔好排咁密會更加似松果。

5 加上適量糖粉就完成。

凍冰冰Mochi禮物包 (2人份)

材料
即用朱古力筆、水160g、麥芽糖漿100g、酥油10g、糯米粉100g、粟粉適量、威化餅、牛奶雪條

步驟

1 先將水、麥芽糖漿、酥油煲滾。

2 將煲好嘅糖漿、糯米粉攪勻，變成麻糬狀態。
3 枱面灑適量粟粉，將麻糬用麵棍壓平後放入冰箱10分鐘。

4 10分鐘後將麻糬、威化餅、牛奶雪條再切成適當大小。

5 用麻糬將威化餅同牛奶雪條包成禮物形狀。

6 最後用即用朱古力畫蝴蝶結就完成。

免焗聖誕樹幹蛋糕

材料
山型麵包4塊、榛果醬、Mascarpone芝士、花生醬、水果 (例：士多啤梨、牛油果)

步驟

1 先將兩塊山型麵包去皮。

2 枱面舖好保鮮紙，將兩塊去皮山型麵包嘅邊緣位疊埋一齊，再用麵棍壓實。

3 Mascarpone芝士、榛果醬撈勻。

4 將芝士榛果醬塗勻喺麵包嘅一面，再加你鍾意嘅水果。

加拿大AAA+ 安格斯無骨西冷/ 紐約客牛扒 300g
按此選購

5 慢慢將麵包捲起變成卷蛋形狀，再用保鮮紙包好定型。

6 隨意切走部份麵包卷，塗勻榛果醬後用叉刮出木紋。可以放入雪櫃，等佢凝固就完成。

厚切！加拿大AAA+ 安格斯平鐵牛扒 (Flat Iron) 400g
按此購買

加拿大AAA+ 安格斯肉眼扒 (Rib-Eye) 250g
按此選購

當中有幾款15分鐘就做到，咁就唔怕miss咗party嘅happy moment啦！SoZmart仲有唔同部位嘅牛可以揀，想係party鋸扒都無問題，快啲click入去睇睇！