去餐廳食飯，大家鍾意飲紅湯定白湯？今次小編就搵到秘技，唔洗用攪拌機，只要15分鐘就煮到2人份量又夠哂creamy嘅忌廉蘑菇湯。一於跟住我地食譜試試啦！

材料
蘑菇1包 (約10粒)、白玉菇1包、洋蔥1個、蒜蓉3湯匙、牛油15g、雞湯500mL、
麵粉2湯匙、忌廉100mL、水500mL、番茜

步驟

1 先將蘑菇用濕布擦乾淨，切片。撕開白玉菇，洋蔥切粒備用。

2 牛油炒香洋蔥至金黃色，再放蘑菇、白玉菇炒至軟身，落調味同蒜蓉。

【Souper Foods】新加坡 周打蜆肉濃湯 (加熱即飲) 500G
按此選購

3 加入麵粉炒勻，慢慢加入雞湯同清水，慢慢攪勻。

4 冚蓋用細火煮5分鐘，最後落忌廉、切碎嘅番茜即成。

【Souper Foods】新加坡 龍蝦忌廉濃湯 (加熱即飲) 500G
按此選購

完成咗嘅蘑菇湯夠哂濃郁，而且唔洗用攪拌機對大家嚟講更加方便。加埋忌廉，口感更加creamy，最啱加埋熱辣辣嘅餐包一齊食！

年尾開Party，作為手殘黨最怕要整嘢食。一來怕整得唔夠靚失禮人，二來廚藝零信心，怕菜式太複雜整完會榮升地獄廚神。同為手殘黨嘅我當然明白，所以今日搵咗5款易學易整嘅party food，等大家入得廚房出得ball場！

南瓜濃湯 (1人份)

材料
南瓜150g、牛奶250cc、番薯1條

步驟

1 先將南瓜、番薯去皮切塊，再用大火蒸10分鐘。

2 攪拌機加牛奶、蒸好嘅番薯、南瓜，然後將佢地打好。

3 倒入碗，加埋你喜歡嘅裝飾就完成喇！

青醬彩椒薄餅 (6人份)

材料
口袋麵包2塊、紅椒1/4個、黃椒1/4個、羅勒3棵、松子3湯匙、蒜頭4瓣、
橄欖油110mL、巴馬臣芝士碎5湯匙、檸檬汁1茶匙、百力滋6條、
黑胡椒、鹽、油、芝士粉

步驟

1 先將羅勒洗淨，摘下葉，紅黃椒切碎。放入攪拌機，再加松子、蒜頭、橄欖油、巴馬臣芝士、檸檬汁、黑胡椒同鹽、打成青醬。

2 口袋麵包平均切成6份，再係麵包邊拮一個窿。

3 平底鑊加油，細火煎口袋麵包兩面各10秒，再將百力滋拮入麵包邊嘅窿。

4 麵包面上加青醬，放上紅黃椒，最後灑上芝士粉即可。

免焗朱古力麥片松果蛋糕 (2人份)

材料
朱古力卷蛋、朱古力麥片、咖啡或橙味橄欖油、糖粉

步驟

1 將朱古力卷蛋切成適合大小。

2 卷蛋加入橄欖油。

3 將卷蛋放入密實袋再揑成水滴形。

4 交錯插入朱古力麥片。秘訣係將交錯順序睇成三角形，下排兩塊，上排中間一塊；角度斜少少，同埋唔好排咁密會更加似松果。

5 加上適量糖粉就完成。

凍冰冰Mochi禮物包 (2人份)

材料
即用朱古力筆、水160g、麥芽糖漿100g、酥油10g、糯米粉100g、粟粉適量、威化餅、牛奶雪條

步驟

1 先將水、麥芽糖漿、酥油煲滾。

2 將煲好嘅糖漿、糯米粉攪勻，變成麻糬狀態。
3 枱面灑適量粟粉，將麻糬用麵棍壓平後放入冰箱10分鐘。

4 10分鐘後將麻糬、威化餅、牛奶雪條再切成適當大小。

5 用麻糬將威化餅同牛奶雪條包成禮物形狀。

6 最後用即用朱古力畫蝴蝶結就完成。

免焗聖誕樹幹蛋糕

材料
山型麵包4塊、榛果醬、Mascarpone芝士、花生醬、水果 (例：士多啤梨、牛油果)

步驟

1 先將兩塊山型麵包去皮。

2 枱面舖好保鮮紙，將兩塊去皮山型麵包嘅邊緣位疊埋一齊，再用麵棍壓實。

3 Mascarpone芝士、榛果醬撈勻。

4 將芝士榛果醬塗勻喺麵包嘅一面，再加你鍾意嘅水果。

加拿大AAA+ 安格斯無骨西冷/ 紐約客牛扒 300g
按此選購

5 慢慢將麵包捲起變成卷蛋形狀，再用保鮮紙包好定型。

6 隨意切走部份麵包卷，塗勻榛果醬後用叉刮出木紋。可以放入雪櫃，等佢凝固就完成。

厚切！加拿大AAA+ 安格斯平鐵牛扒 (Flat Iron) 400g
按此購買

加拿大AAA+ 安格斯肉眼扒 (Rib-Eye) 250g
按此選購

當中有幾款15分鐘就做到，咁就唔怕miss咗party嘅happy moment啦！SoZmart仲有唔同部位嘅牛可以揀，想係party鋸扒都無問題，快啲click入去睇睇！

一到年尾就特別多gathering，難免會飲番一兩杯。想搵小食送酒，但又唔想淨係薯片、芝士咁悶，不如試下整今日依個韓式辣烤五花肉，熱辣辣啱哂冬天食，配燒酒直頭一流！而且用氣炸鍋就整到，乾手淨腳！

材料
五花肉兩條、韓式辣醬、蒜泥同醬油各1大匙、蜂蜜同麻油各1/2大匙

日本特選厚切培根 (加熱即食) 300G
按此選購

步驟

1. 先將五花肉切成適合大細。

2. 放入氣炸鍋，以180度氣炸10分鐘後取出，翻面再氣炸5分鐘。

【PICALOU】法國 SAVEL 無激素 黃油春雞 400G
按此選購

3. 將韓式辣醬、蒜泥、醬油、蜂蜜同麻油撈勻。

4. 5分鐘後，喺五花肉兩面都係均勻塗上辣醬，最後氣炸5分鐘即可。

台灣一口腸蒜香味 245G
按此選購

日本喜之次原條 420G
按此選購

想再增加風味，仲可以夾埋切好嘅洋蔥絲一齊食，甜辣嘅味道夠哂多層次。鍾意韓國小食嘅朋友可以一試。

開得Christmas party，除咗應節小食，大家一定好care有乜飲。熱朱古力？熱紅酒？今日小編就搵齊5款cocktail俾大家，有啲仲可以3個steps就搞掂！易整之餘仲好有特色，一於home party整番杯打下卡啦！

薑汁椰奶蛋酒 (3人份)

材料
生薑15g、鮮奶油150mL、香橙片1塊、肉桂粉5g、薑母粉7g、水250mL、生蛋黃2個、
香草精5mL、椰漿400mL、荳蔻粉2.5g、鹽、糖、肉桂2條

步驟

1. 先將蛋黃、蛋白分好。之後加入荳蔻粉、薑母粉同糖，用打蛋器攪勻後備用。

2. 開火，喺煲到加入薑片、肉桂，以中火煲15分鐘。

3. 拎多一個煲，先加入大概100mL剛剛煲好嘅薑片肉桂水，再加椰漿中火加熱到煲滾。記得期間一定一直攪，先唔會煲燶。
4. 將煮滾嘅椰漿慢慢倒落蛋黃到，邊倒時邊用打蛋器不斷攪。

5. 攪勻後倒番入煲用細火加熱，再加入鮮奶油直到開始變濃稠。同樣喺加熱期間，要不斷用打蛋器攪拌。
6. 根據個人喜好嘅濃稠度，熄火後加埋香草精就完成。

聖誕怪傑熱朱古力

材料
2杯牛奶、4oz白朱古力、1茶匙香草精、1湯匙薄荷杜松子酒、1湯匙香草伏特加、奶油

步驟

1. 先將白古力整碎，調較微波爐溫度至中度，然後叮大概30秒等佢溶。

2. 加入已經加熱嘅牛奶、香草精、薄荷杜松子酒同香草伏特加，慢慢攪勻。
3. 最後加埋奶油，同埋唔同嘅朱古力做裝飾就完成。

傑克之霧雞尾酒

日本紫蘇赤しそ梅酒 720ML
按此選購

材料
蜂蜜、椰子肉、冰、1/2杯菠蘿汁、1/2杯椰奶、1oz藍橙利口酒、1/2oz伏特加

步驟

1. 喺杯邊加上蜂蜜，然後痴上椰子肉。
2. 攪拌機中放入冰、菠蘿汁、藍橙利口酒、伏特加同椰奶，攪拌均勻。

3. 最後倒入靚靚嘅杯就完成。

餅乾馬提尼

材料
餅乾、棉花糖、朱古力醬、1oz椰奶、1.5oz朱古力甜酒、2oz香草伏特加、冰

步驟

1. 將餅乾整碎，然後痴上已經加咗朱古力醬嘅杯邊。

2. 將椰奶、朱古力甜酒、香草伏特加同冰放入Shaker到搖勻。

SoZmart精選日本清酒、果酒、梅酒
按此選購

3. 倒入雞尾酒杯，用火槍烘燶棉花糖表面，然後用竹籤穿起擺喺杯上裝飾就完成。

石榴薑糖Paloma

薑糖漿材料
1/2杯水、1/2杯蜂蜜、姜、薄荷葉

Paloma材料
1/2杯石榴汁、1/3杯西柚汁、半個青檸、4湯匙薑糖漿、3oz Tequila、梳打水、冰

步驟

1. 先將水、蜂蜜，同埋切碎咗嘅姜放入鍋再煮滾，1-2分鐘後熄火，加入薄荷葉，冚上鍋蓋浸泡10-15分鐘就完成薑糖漿。

2. 將薑糖漿入面嘅薑同薄荷葉拎出，放入冰箱備用。
3. 先喺杯到加冰，再倒入石榴汁、西柚汁、青檸汁、薑糖漿同Tequila，攪勻。

4. 最後加埋梳打水，再用薄荷葉裝飾就完成。

想方便啲，可以直接嚟我地SoZmart到睇睇！我地有一系列日本嘅清酒、果酒同梅酒，總有一款啱你口味，不過記住開車前就咪飲啦，想玩得盡情啲，一於home party啦！

講到聖誕美食，大家一定會諗起火雞、牛扒、蛋糕！但係除咗佢地，你又知唔知有邊款飲品最啱係冬天、聖誕節嘅時候飲？熱紅酒主要將香料、水果、糖加入紅酒到熬煮，煮出嚟嘅紅酒混合咗香料跟果香等多種風味，層次豐富。而水果同糖嘅味道亦都蓋過紅酒本身嘅酸澀感，喝落口可以暖心暖身。佢嘅香甜味道，亦令佢成為歐美熱門飲品，可以話係冬天時必備嘅party drink！今日就由小編，介紹俾大家！

材料
紅酒1支、橙1個、蘋果1個、檸檬皮4片、薑2片
*紅酒方面可選用一般等級。