• 買少見少 尖沙咀誠意高質手工私房菜

    美味教主 提供|2020-01-01 10:27:49

    私房菜曾經係飲食界風行一時,但近年真係買少見少,而且往往都位於較隱閉嘅地區,要捐窿捐罅先去到!
    距離農曆新年尚有一個月,今次等小編帶大家去一間又好食位置又方便既特色私房菜啦,讓你尋回家的味道!


    位於尖沙咀加拿分道金輝大廈2樓,由尖沙咀地鐵站B2出發,步行5分鐘至金馬倫道,
    恆生銀行對面就係,非常方便。

    海鍋除左私房菜仲有火鍋添 所以一入去就是滿滿的火鍋枱!呢到勝在裝修光猛,地方夠闊落,坐得舒服,最啱同屋企人黎食好西!
    呢到既創辦人雄哥曾任大型飲食集團前行政總廚,入廚逾三十年,功力深厚,事事親力親為,對下廚充滿熱情,而且對每道菜都非常講究架!


    打頭陣既係冰鎮原隻鮮鮑魚
    小編表示中菜食鮑魚食得多 冰鎮鮑魚真係唔係到到有!冰凍得黎非常鮮味!


    宮保蝦球伴煎薯餅
    賣相非常精緻,外皮炸得酥脆,蝦鮮味十足。外脆內軟,口感一流!加上酸酸甜甜既秘製醬汁,超級開胃!



    黑松露炒蛋白
    估唔到中菜都可以食到黑松露炒蛋白,好香黑松露味,而且蛋白炒得好滑,真係好有驚喜!


    脆皮牛腩併沙律
    呢道菜真係充滿創意同誠意 但又出奇地夾!
    大廚將牛腩炸至脆皮 咬落真係脆卜卜 入面既牛腩燜至軟腍 唔會好乾 加一啖沙律菜中和一下 感覺非常清新 一點都唔油膩!


    咸薑蒸龍躉腩
    龍躉夠新鮮 簡單用豉汁同蔥清蒸已經非常鮮味 仲啖啖肉呀!


    小黃米燉花膠螺頭湯
    有冇人同我一樣對花膠湯情有獨鍾?呢碗湯充滿住花膠同螺頭 超級足料!
    花膠美顏潤膚功效,含豐富膠質非常滋補,養顏美膚;小黄米味甘咸,有滋陰養血、健胃除濕、益腎補虛之效,超養生啊!

    啱哂貪靚既女士們!


    桂花炒瑤柱
    瑤柱除左煲湯,亦可以用黎製作需要拆絲的菜式。海鍋呢款桂花炒瑤柱看似簡單又很講究技巧!大廚用左大火不停快炒,所以炒出來的桂花瑤柱香口惹,唔會太乾!真係少D技巧都唔得呀!



    特色甜品有紅蓮燉桃膠,近天氣咁乾燥,一定要飲返碗滋潤下!

    私房菜真係好考廚師既功力,非常欣賞大廚對每道菜既堅持同執著,由食材、烹調到賣相都一絲不荀,令人食得津津有味。

    海鍋手工涮涮鍋

    >> 按此立即購買現金券
    尖沙咀加拿芬道16號金輝大廈2樓 (港鐵尖沙咀 B2 出口, 步行約2分鐘; 入口位於金馬倫道)

    閱讀全文
  • 雞煲魚煲一煲過?

    食飽就眼訓嘅二寶 提供|2019-12-31 12:00:00

    冬天食咩好?無非都係三大選擇,蒸鍋,火鍋同埋各種煲啦!在寒冷的氣流中感受熱氣裊裊的溫馨,與朋友圍埋一爐閒談一宵,確是生活一大樂事!係北角區,講到雞煲,我唸金樂軒敢認第二……都會有人敢認第一嘅。

    但係我地食嘢唔係要分高下,排名次,而係講求色香味!不用多說,好味就得啦,今次小編就去到北角試下呢間雞煲。

    我一向奉承一個搵食理念:小店多滋味!所以人人都話好味嘅名店我就唔鐘意去嘅,我就鐘意搵啲小街小巷嘅隱世美食店!

    有人話雞煲其實間間味道都一樣,我就唔認同呢個觀點啦!

    雞煲都可以好講究,講究得嚟都可以食出好大分別架。

    金樂軒的雞煲全部都係採用新鮮三黃雞,三黃雞特點就係肉質緊緻滑嫩,味道鲜美。食落口就可以感受到佢係一個充滿活力,熱愛運動,食得營養健康嘅小雞。

    辣度有分多個程度,不辣到勁辣都做到,分量有分大同小。

    我揀嘅老重慶氣味雞煲,雖然唔食得辣但都叫咗小辣,雞煲辣辣地先食得過癮啊嘛!

    醬汁味道食得好惹味,雞煲內啲配料都不可小覷架,入面有冬菇,豆卜,洋蔥等,佢地都吸收咗雞煲嘅精華,食嘅味道就真係只有食嘅人才可以感受到當中的美妙。

    食完雞煲就可以食魚煲啦!由於我地揀咗食完雞煲再打邊爐,會有人幫我地加湯。我地就叫咗幾款配料繼續食,其中主角就係龍躉魚片,魚煲都係金樂軒嘅主打之一,龍躉魚同三黃雞一定係好朋友,兩個經常游水跑步,先可以食落同樣地鮮美滑嫩。

    除咗雞煲魚煲,呢度嘅小菜選擇都好多,與其簡單定義係一間川菜館就未免太籠統,除了川菜還有粵菜,上海菜等多樣中菜菜式可選擇。

    四川辣子雞

    水煮牛頸脊

    鐵板田雞

    花雕煮蟹

    泡椒豬大腸

    乾煸四季豆

    金樂軒

    地址:北角和富道114號康華大廈地下C3號舖
    電話:5577 9920
    營業時間:星期一至六 12pm-3pm,6pm-1am;星期日 6pm-12:30am

    詳情請按此

    閱讀全文
  • 【蔡瀾火鍋消失論】網民誓死捍衛 打邊爐最緊要係咩? 萬變不離其「鮮」

    飲食教煮KOL 提供|2019-12-29 23:59:59

    仲記得早前食家蔡瀾在內地綜藝節目《天天向上》,當中提到最想消失的一道菜是火鍋,放言批評火鍋沒文化,因為只是把食物切好就扔進鍋裏,此話引起唔少人討論。有人笑言諗住佢會答三文魚(因蔡瀾話過:日本人不吃三文魚刺身!),但大多數人都唔贊同這個講法,誓死捍衛我地嘅邊爐文化。

    仲記得早前食家蔡瀾在內地綜藝節目《天天向上》,當中提到最想消失的一道菜是火鍋,放言批評火鍋沒文化,因為只是把食物切好就扔進鍋裏,此話引起唔少人討論。有人笑言諗住佢會答三文魚(因蔡瀾話過:日本人不吃三文魚刺身!),但大多數人都唔贊同這個講法,誓死捍衛我地嘅邊爐文化。

    無論如何,打邊爐能夠係香港大行其道,必有其因! 當中每一間火鍋店準備的湯底和食材都要相當用心,而不同地方的火鍋都各有特色,就好似辣味強勁的麻辣湯底、日式shabushab,特別的仲有海南式椰子雞湯,款式隨着時代改變。 有一個啱口味的湯底,就要有新鮮的火鍋配料。如果要選一間食材新鮮的火鍋店,位於旺角的「快樂小羊火鍋餐廳」就好值得推薦比大家! 快樂小羊號稱”唔洗點醬料,試到有無料” ,對自己出品的食物果然好有信心。

    擇日不如撞日,就今日等我飲食教煮KOL會一會快樂小羊!!

    【重要嘅嘢要講三次‼️】唔洗點醬料! 唔洗點醬料! 唔洗點醬料!

    精心泡製嘅湯底配合新鮮嘅食材,仲洗點濃濃醬嘅料? 反而會搶走原本食材的鮮味!!

    點咗一個三色湯底(主要有清湯、蕃茄湯、辣湯、酸辣湯),用筷子夾起一塊優質嘅羊肉,再放入濃濃嘅湯底,淥十幾秒啱啱到到熟透,就可以放入口品嚐「香而不騷」鮮味 有哂畫面!! 原汁原味 好好享受羊肉本來的味道! 唔洗點醬料就試到係咪真材實料

    羊肉嚟到! 上枱時嘅乾冰效果,果然「仙氣」十足! 擺盤十分講究,砌成玫瑰花咁,實在令人賞心悅目!

    羊羊大拼盤選用3種不同部位嘅羊肉:草原臻選大片羊、千層肋腹和塔拉上的快樂卷。

    快樂卷比較嫩滑,夠羶香味,性價比最高! 千層肋腹脂肪比例比快樂卷多,羶香更重,

    大片羊就比較有口感。各部位有不一樣嘅口感,但依然保留左"香而不羶"嘅特色!

    餐廳環境闊落舒適,座位坐得舒服,偌大的落地玻璃,一室簡約明亮。最啱同一大班好朋友一齊烚吓烚吓! 再整返串灑滿孜然粉嘅人氣烤羊串、烤羊棒骨,諗起都肚仔餓!!

    快樂小羊火鍋餐廳

    詳情

    旺角豉油街60-104號鴻都大廈部分地下至2樓
    電話: 23456898 / 23456813
    營業時間: 星期一至日 11:30am-12:30am

    閱讀全文
  • 全新面貌!小朋友做森林之王放下電

    喵星人開雪櫃偷食 提供|2019-12-17 12:00:00


    小朋友嚟緊又放長假,又係時間諗定節目去邊度玩好。12月中剛完成換新裝,小編立即帶大家睇下放電好去處新場地—Jungle King森林王國親子餐廳。

    場內分成玩樂區和餐飲區。等小朋友放下電之餘,媽媽們又可以休閒一下,食下tea傾下計。今次主題係Night Safari,多樣遊樂設施,動態靜態活動都有。


    夢幻巨型波波池海
    無論大人定小朋友,見到一大片波波池海都會眼前一亮。大滑梯和繩網攀爬架都在波波池海上,咁就更加安全!跳跳扎一齊訓練大小肌肉。

    旋轉滑梯


    繩網攀爬架


    木製玩具小廚房
    女仔就梗係鍾意玩煮飯仔,喺屋企媽咪驚你愈幫愈忙,呢度可以玩餐飽!煮飯仔之前去轉迷你supermarket,仲有洗衣機同焗爐,搞到小編都想玩埋一份。


    百變換裝區
    想再玩得投入啲,不如換個造型!呢度太了解小朋友心意,有公主和super hero嘅服飾提供。


    menu選擇多  推介BLT Burger


    雖然係親子餐廳,呢度食物絕不馬虎。無論賣相同味道都超讚!

    消毒程序 玩得放心
    媽媽們最關心梗係玩樂設施的清潔程序啦。Jungle King 引入洗波機,每日開門前都會進行大清潔外,每45分鐘為一節,每過場時間都會進行消毒程序,咁小朋友就可以安心咁盡情玩啦!
    -----------------------------------------
    小編心得分享:

    1- 餐飲區可以望到小朋友玩,安全感加分。

    2- 大人最低消費 每位$98 (星期一至四); 每位$120 (星期五至日) 但費用可以用作抵銷食物費用。

    3- 遊樂設施消毒程度嚴謹,小朋友玩得放心。

    4- 餐廳食物有驚喜,主餐Menu選擇多,無論賣相定味道都相當有水準!

    5- 百幾蚊有得食有得玩,勝價比高。另有包場服務,開生日party又有得玩波波池,小朋友一定鍾意!

    -----------------------------------------
    Jungle King森林王國親子餐廳
    觀塘開源道62號駱駝漆大廈1座12樓C室 (觀塘站步行5分鐘)
    星期一至四: 兒童可入場全日任玩
    星期五至日: 兒童可入場任玩2.5小時
    >詳情

    閱讀全文
  • 日式餐廳熟食攻略【炎鳥羽】

    食飽就眼訓嘅二寶 提供|2019-12-16 12:00:00

    小編係小朋友口味,唔食得生嘢,但又幾鐘意食日本嘢,今次就代表一眾怕生嘅為食豬去尋找日式餐廳嘅熟食啦!今次目標就係位於尖沙咀嘅炎鳥羽啦!

    我個人無論月頭定月尾都係咁窮,所以一於就揀午市去啦,因為炎鳥羽有多達12款套餐,午市優惠加$20有3款串燒,都係人均百零蚊,仲要無須加一!價錢都算係相宜㗎!

    入去餐廳就感受到有種藝術館嘅清雅寧靜,不過可能因為我去到先啱啱開門,慢慢開始人多就有日式居酒屋嘅氛圍。

    日本餐廳熟食攻略1:要上網睇清楚餐廳嘅Menu除咗刺身之外,有無啱食嘅飯類或者燒物。

    我就睇啱咗辛口燒牛肉丼,洋蔥同牛肉嘅分量都幾多,仲會灑上七味粉和芝麻,再加上蔥絲。將牛肉嘅鮮味提升了一個層次!這樣的組合撈勻嚟食感覺有少少香辣,口感豐富。

    日本餐廳熟食攻略2:要搵一個唔熱衷於食刺身,同埋唔會歧視你去日本餐廳唔食刺身,仲唔會強迫你食刺身嘅朋友去食。

    今次同行嘅朋友呢唔止符合以上條件,仲配合我一起揀咗熟食。

    同行朋友仔就揀咗香煎鵝肝丼,有兩大塊鵝肝,仲有香菇作為配菜,鵝肝煎得焦香,一咬鵝肝的綿滑往口中蔓延,溫暖地包裹著整個口腔。融入了香菇和鵝肝濃郁香氣的醬汁,賦予平平無奇的米飯一個令人振奮的靈魂。

    我地每人都加咗三串串燒,一齊share嚟食,咁一次過就可以食到 6款唔同嘅串燒,真係食得大滿足。

    日本餐廳熟食攻略3:可以邀請店員推介店內招牌菜式,如果招牌內有熟食咁就要試下啦!

    我地除咗午市套餐之外,都加點咗兩樣小食:

    西京銀雪魚燒到邊角位微焦,內裡嫩滑,擺落口中可以感受到呢個西京銀雪魚個性分明得嚟又溫柔。

    明太子蛋卷 口感滑嫩的蛋卷中間夾住鹹鮮味濃的明太子,更加突出了蛋卷的層次感。

    品嘗日式料理增加滿足感小Tips:用匙羹擺上米飯,肉,同菜,之後浸入味噌湯裡,再一下送入口!感受美味在口中暢遊飛舞的雀躍。

    *唔好因為唔食生嘢就怕咗食日本嘢,其實好多日式餐廳都提供好多熟食選擇㗎!*

    炎鳥羽

    地址: 尖沙咀厚福街12-12A號藍馬商業大廈17樓
    電話: 2811 0777
    營業時間: 星期一至四及星期六 12pm-3pm, 6pm-11pm;星期日休息

    詳情請按此

    閱讀全文

下拉加載更多

    1    2    3    4    5    6    7    8    9    10    11    12    13    14    15    16    17    18    19    20    21    22    23    24    25    26    27    28    29    30    31    32    33    34    35    36    37    38    39    40    41    42