• 100%滿足的上海菜食法【小籠家族】

    食飽就眼訓嘅二寶 提供|2019-10-19 13:00:00

    小編鐘意食中菜,尤其係上海菜!

    上海菜嚟嚟去去都去食果幾間無新意,今次就去試下新餐廳:小籠家族

    讓小編帶你去感受上海菜嘅魅力,分享下點樣先可以食到百分百滿足嘅上海菜啦!

    上海菜分為「本幫菜」和「海派菜」兩種,小籠家族則專注於傳統的上海菜,屬於「本幫菜」,其以「濃油赤醬、重糖艷色」為特色,調味以冰糖、醋、醬油為主,多用煨、燉、燜等烹飪方式,可以帶出鹹中帶甜的滋味。

    餐廳地點好易去,地鐵佐敦站C2出口,行4分鐘就到啦。地點方便。

    餐廳環境乾淨明亮,地方不大但空間感強,裝修風格係摩登中國風,木枱木凳加上玻璃罩吊燈,背景音樂是古箏彈奏曲,整體氛圍頗有一番古典韻味,卻又不失現代的明麗。

    一入座,侍應會立即會送上一杯蕎麥茶,味道清香。見你就快飲完會有人過嚟refill。同埋小編覺得冷氣凍想轉位,侍應為免我麻煩就熄咗對正我吹果部冷氣,服務好貼心。

    小編除咗鐘意食上海菜,平時就好中意日本料理嘅定食,有前菜,有小食,一碟主菜配上一碗米飯,再加一碗湯,食得好滿足。想食定食日本料理就多,上海菜就唔見有啦。小編想試嘅菜式有好多,於是決定自己砌一個“上海定食”出嚟,讓自己嘅味蕾滿足下。

    開胃小菜【四喜烤麩】:小編喜愛的這款前菜是上海的常見冷盤,材料有烤麸、冬菇、木耳、花生,青豆。將烤麩放進嘴中一咬,裡面飽滿的醬汁一湧而出。味道鮮甜又帶少少麻香。

    *滿足感提升至20%*

    輕食點心【家族小籠包】:皮薄,湯汁清甜,先慢慢咬開喝點湯汁,再順著湯汁把小籠包送入口中,感受小籠包給予味蕾溫柔的安撫。

    *滿足感提升至40%*

    肉類主食【京蔥爆牛肉】:京蔥配牛肉,牛肉嘅鮮美嫩滑配上京蔥嘅香口脆爽,好味又餸飯!小編好快就食完一碗白飯!

    *滿足感提至80%*

    淺嚐甜品【凍糯米桂花糕】:精緻嘅賣相,桂花嘅香氣,糯米嘅煙韌咬口,香甜嘅滋味讓這一餐畫上完美的句號。

    *滿足感達到100%*

    點解小編咁中意食上海菜?

    開頭都有提到上海菜的味道特色就係鹹中帶甜,非常符合小編嘅口味。加上上海菜無論係冷盤,點心,小菜,甜點選擇都好多,味道和口感都好豐富。如果一個人嚟食想試勻唔同嘅菜式就可以同小編一樣砌個“定食”出嚟,集合和搭配唔同嘅前菜,小食,主食和湯,飯,樣樣都可以食少少就係100%滿足的上海菜食法,單係望住都顯得豐富和吸引!如果攜伴同行,咁就可以叫晒想食嘅嘢,大家 mix and match,盡享上海菜豐富多樣的菜餚,感受各種美食一擁而上的百分百滿足!

    詳情請按此

    地址:佐敦上海街62號地下1號舖

    電話:27879397

    營業時間:星期一至日11:30 - 23:00

    閱讀全文
  • 玩轉甩尾飄移賽車Crazy Tail|星期一至日任玩任食2小時

    喵星人開雪櫃偷食 提供|2019-10-15 16:38:11


    小朋友玩樂集中地D2 Place又有新嘢玩喇 !賽車主題親子餐廳Crazy Tail將於 11月正式開幕,餐廳連賽道佔地逾萬呎,小朋友約埋飛車之餘,呢度仲係台式餐廳,爸爸媽媽就可以食住等啦。

    兩種車款 大人小朋友都啱玩

    細車適合身高110cm以上,重140磅以下人仕,最高速達19km/h。


    大車適合18歲以上人士使用 ,重242磅以下人仕,最高速達29km/h。


    兩車同樣可以做出甩尾﹑打橫的動作。操作簡車,小朋友都可以做到飄移效果。


    場內提供保護裝備:頭盔﹑護肘﹑護膝俾小朋友,保證做足安全措施。而且保護裝備和高卡車都會定時消毒,小朋友就可以放心盡情玩啦。


    地道台式菜 食盡夜市懷舊美食
    親子餐廳大多為西式或日式餐廳,Crazy Tail罕有地以台灣菜做主打。店主有經營台式餐廳經驗,所以做台灣菜最在行。更特意請來米芝蓮廚師親自為Crazy Tail設計菜單。台灣地道美食如鹽酥雞﹑蚵仔麵線﹑三杯雞或經典便當﹑肉燥飯等在Crazy Tail都有得食。


    香酥雞扒配肉燥飯


    夜市蚵仔煎


    鹽酥雞


    虎咬豬


    餐廳打卡區 賽車主題3D畫

    車主題生日派對
    賽車當然要組團約埋朋友仔一齊玩!Crazy Tail仲有包場服務,人數達20人或以上就可以包場2小時,一於開生日Party,再同朋友仔落場兜返轉。


    SoZmart 早鳥限定 $188 任玩任食2小時
    按此了解更多
    依家到SoZmart 就可以用 $188買到Crazy Tail任玩任食2小時門券,主餐牌上多達60款美食和飲品任你點,無限次瘋狂玩高卡車,每節為5分鐘。
    購買門券後需向商戶預約日期和時間,及早購買就可以揀選心水時間喇!

    小篇實測飄移車分享
    1. Crazy Tail會提供基本保護裝備俾小朋友,頭盔同護膝都會定時消毒。如果諗住去玩就最好唔好著裙喇。
    2. 小型車款速度為19km/h,如果第一次玩就應該熟習一兩圈先加快速度。
    3. 車上的飄移杆拉起可以做出打橫和甩尾動作。入彎時輕輕拉起飄移杆,配合身體重心,做出飄移效果,人人都可以做拓海!
    4. 任何情況都不要把手腳伸出車外,免生危險。

    -------------------------------------------------------------

    Crazy Tail
    地址:荔枝角長順街15號 D2 Place Two 2樓205-211A舖
    電話: 2338 2180

    閱讀全文
  • $308食五道菜 回憶中嘅集合點 【初味Bistro】

    聽日先減肥教主 提供|2019-10-09 13:00:00

    作為一隻新界牛嘅小編,住喺新界區,返工喺九龍區,無乜事都唔會跨越維港去港島區。天后係我小數熟悉嘅一個地區,因為每逢維園有活動,特別係每年嘅新年花市,一班朋友就會相約喺天后先食個飯再出發去人山人海嘅花市搏殺,不知不覺天后區就成為咗我地朋友聚腳點嘅象徵。

    今次同大家重遊舊地,睇下我同朋友飯聚嘅小基地,朋友聚首總係有好多話題要交流,所以餐廳環境就變得好重要,太街坊好難可以坐得耐,太高級又唔方便同朋友盡情交談。初味Bistro裝修唔算華麗,但係簡單雅緻嘅環境就好適合一班朋友聚餐,好有一種溫馨舒服嘅感覺。餐廳位於天后木星街,由炮台山站B出口行過去大約5至8分鐘就去到,如果坐叮叮,就喺木星街站落車一行入內街就見到。

    初味Bistro主打創意多國菜,今次去到就見到佢做緊一個$308嘅五道菜精選晚餐,成個套餐包括咗一份頭盤、一個餐湯、一份小食、一份主菜同一份甜品,仲包埋一杯飲品。

    $308五道菜精選晚餐】

    炸軟殼蟹芒果沙律

    第一道前菜我揀咗炸軟殼蟹芒果沙律,軟殼蟹嘅炸衣輕薄酥脆,唔會有油膉味,配合酸酸甜甜嘅芒果同醬汁,中和返炸物嘅油膩感,惹味又開胃。

    法式焗田螺 伴薯蓉

    到小食嘅法式焗田螺 伴薯蓉,食落有淡淡嘅酒香同牛油香,薯蓉軟滑又有口感,一啲好creamy嘅薯蓉入面仲食到一粒粒嘅薯仔粒。

    燒美國腹肉牛

    嚟到主菜燒美國腹肉牛,我叫咗五成熟,嚟到見到個表層煎得香脆,中間仲見到牛肉嘅粉紅色,熟嘅範圍啱啱好喺外圍一圈,保留住肉汁同鮮嫩嘅口感。

    Homemade Dessert

    最後上甜品,本身對跟餐嘅甜品無太大期待,點知又真係有驚喜喎!啱啱焗起嘅朱古力心太軟,香濃又唔會太甜,旁邊配一球雪糕,一冷一熱超match,另外仲有一件芝士蛋糕同焦糖燉蛋,兩個都好有質素,唔係hea你嘅甜品,扲去一般甜品舖賣都唔會失色。

    其實依家長大咗可以約得齊一班朋友聚會真係一啲都唔易,大家都自己嘅生活同家庭,好難就到一個大家都可以嘅時間,亦都好難有人願意做搞手約大家出嚟。不如唔好諗咁多,想約就坐言起行,打個電話俾你嘅朋友一齊去初味Bistro 細味一個晚餐喇。

    詳情

    地址: 天后木星街9號永昇中心地下1-2號舖

    電話: 2413 0123

    營業時間: 11:30 - 15:00 、 17:00 - 22:00

    Facebook: https://www.facebook.com/%E5%88%9D%E5%91%B3Bistro-2218183095133337/

    閱讀全文
  • 獨食新體驗:1個人食飯的樂趣【船渦】

    獨孤少女 提供|2019-09-30 12:00:00

    【初到船渦】

    秋冬季節,最啱就係食啲熱辣辣嘅嘢,一人火鍋就食得多,一人蒸鍋就真係無食過啦,聽聞船渦係全港首創嘅一人蒸鍋,等小編呢個“獨食專家”去試下新嘢先!

    地鐵銅鑼灣D4 出口, 行大概2分鐘就到啦,餐廳係樓上鋪,維安商業大廈3樓。

    嚟到門口已經好有船渦嘅特色,有個站立嘅小木船係門口作為裝飾,入到去感覺裝修頗具日式風格,座位間會有竹簾做間隔,最適合我呢啲一人前往的顧客,完全可以避免同隔離枱的眼神碰撞,又唔駛比人用奇怪嘅眼神打量,落單仲可以用手機Scan枱上嘅QR Code,唔駛同人交流。這令我感受到餐廳對獨食顧客的關懷。

    我就叫咗<八府巡按>套餐,唔同套餐因應返海鮮和肉類的數量和種類有唔同嘅價位,百零蚊到五百零蚊嘅套餐都有,豐儉由人,我個人窮但大食,所以身不由己。

    【獨食文化】

    在等待食物上枱前,我唸起早幾年香港網絡上出咗一份「獨食指數等級表」,1人食蒸鍋並沒有相應的孤獨等級對照,也許是這個類別太新潮,暫時仲未嚟得切更新等級表。但我認為,孤獨的等級係好難有準確的定論,這完全是個人的感受,也是因人而異的。

    早幾年,日本和韓國已經開始興起獨食文化,有關獨食概念嘅影視作品也有很多,日本出名的有《孤獨的美食家》,韓國有《獨酒男女》,展現了一個人吃飯的樂趣和療愈作用。但亦有研究指明一個人吃飯會影響健康,社會對於一個人吃飯還是有些偏見,認為獨食就是有社會障礙,性格孤僻。

    食物上枱速度都算快,枱上有個計時器,可以因應不同的海鮮調校合適的時間,枱上亦都有貼紙標示住唔同海鮮要蒸嘅時間。咁就唔駛驚唔熟或者蒸得太耐啦。醬料亦有多款選擇。

    【獨食的樂趣】

    小編認為,一個人食飯唔一定有孤獨感,都可以有其中的樂趣。

    獨食的方式很重要,當一個人為了掩蓋孤獨感而把注意力轉移到手機上,邊睇手機邊食飯,當然這會影響食物消化,進而影響健康。

    但如果無懼他人的眼光,自在地去享受一個人與美食獨處的時光,將所有感官都打開集中在食物身上,而不是身邊的人或手機,專注地享受食物的氣味,形狀,口感和溫度,細細咀嚼,慢慢感受,這會帶給人一種很療愈的心流體驗。

    選擇一個人食飯更多時候想在忙碌的學習或者工作中讓自己有一個舒適自在的進食空間,令到自己能夠放鬆落嚟。

    人地嘅唸法遠不及自己內心的感受重要,唔駛理人地點唸,想自己去食就自己去食。無論一個人去食定係同朋友,同事或者屋企人去食,食得滿足,食得開心最重要。就算一個人食都要營養均衡,都要追求美食帶來的滿足感!

    船渦呢種自助式一人蒸鍋操作簡單,因為自設魚池,海鮮都能夠保證新鮮,仲可自選粥底或湯麵,最後仲有雪條食(紅豆/芋頭/榴蓮/黑芝麻),以後一個人食飯又多一個選擇啦!

    詳情請按此

    地址:銅鑼灣謝斐道500號維安商業大廈3樓

    電話: 28850268

    營業時間:星期一至日 12pm-5pm, 6pm-11pm

    Facebook:https://www.facebook.com/boatboatsteam/

    閱讀全文
  • 蟹控必食貼地豪食8道菜手工全蟹宴|每位$298起

    喵星人開雪櫃偷食 提供|2019-09-25 12:20:02

    踏入秋天就到咗食蟹最佳季節,想豪食全蟹宴都唔一定貴!今日同大家去沙田鱻潮手工私房鍋,用最抵價品嚐手工全蟹宴,優惠時段最位都係$298,豪食8道菜!

    松葉蟹甲羅燒
    現場即叫即燒,蟹蓋放滿來自日本的松葉蟹膏、松葉蟹肉、豐富蟹籽及鶉蛋等材料。燒煮時將所有材料拌勻,鮮香四溢。蟹膏味濃、質感幼滑,加上粒粒脆卜卜的蟹籽,鮮香非常!

    磯燒鮮鮑魚
    每日新鮮運到的大連鮑魚以磯燒方式享調,令海鮮保持原汁原味,即點即燒,保證新鮮。燒煮後,可根據個人喜好,自行綴上海鹽或自家製辣醬調味,一口咬下,鮑魚肉質爽口彈牙,極為鮮香。
    *套餐:鮑魚/扇貝/蟶子(3選1)


    潮洲凍蟹
    傳統潮式特色菜,看似簡單的家常菜其他相當考功夫。大廚選用潮式紅蟹製作,蟹肉鮮美、豐富多汁 。但冷藏時必須小心掌握時間及溫度。如果過冷或時間過長,很易破壞蟹肉質,這全靠廚師的經驗及功力。

    荷葉籠仔蒸蟹飯
    大廚以油米白飯做成炒飯底,讓蟹汁更滲透飯粒中,鮮味滿分。大廚視乎季節性選擇蟹款,放在炒飯上蒸煮,讓飯粒吸滿蟹肉精華,入口更覺甘香。綴以自家新鮮調配的蒜蓉香油,配合荷葉的清香,蟹飯層次感十足!

    酥炸軟殼蟹
    軟殼蟹裹上一層薄薄的秘製粉漿炸煮而成。要製作成酥香的軟殼蟹,炸煮的時間是重要關鍵,黃金時間為5-8分鐘。只要把握好時間上碟,便可令蟹身炸得香脆,蟹肉保持多汁,配以七味粉品嚐,滋味十足。



    手打蟹肉炸蝦餅
    香酥惹味的蝦餅由新鮮蝦肉打製成蝦膠,配以手打蟹肉,兩者混合後極盡鮮美。材料十分充實,內有滿滿的蝦肉以及蟹肉,外脆裏嫩,口感十分豐富彈牙。


    鹽焗奄蟹(兩人1隻)
    大廚先將牛油炒香鹽粒,並以鹽粒覆蓋奄仔蟹並焗煮,鮮香撲鼻。嚴選菲律賓奄仔蟹,蟹膏顏色呈鮮黃色,蟹肉細嫩鮮甜。經鹽焗後,蟹膏於凝固與未凝固之間的狀態,吃起來更覺柔滑細膩。奄仔蟹兼備蟹膏的鮮嫩,也有濃濃的蟹香,讓人回味。
    *套餐:鹽焗奄蟹/清蒸奄蟹(2選1)


    星洲胡椒蟹 (兩人1隻)
    以越南的白胡椒及新加坡的黑胡椒炒煮成的星洲胡椒蟹,是主廚親自跟新加坡主廚學習的,對方傳授具地方特色的獨門秘方後,大廚又因應香港人的口味微調成適合本土的味道。配料惹味而不攻鼻嗆喉,滲入大肉蟹中更能突出其鮮香味美。
    *套餐:星洲胡椒蟹/避風塘炒蟹/咖哩蟹(2選1)


    鱻潮豪華手工蟹宴
    詳細價錢:
    晚上9時前:每位$348
    晚上9時後:每位$298
    免茶芥、免加一
    星期五、六、日及公眾假期及其前夕須加$20/位
    >>按此購買
    ------------------------------------------

    鱻潮手工私房鍋
    地址:沙田博康邨熟食市場8號舖
    查詢及訂座:9613 3368(歡迎Whatsapp提前訂座)
    營業時間:晚上6時至凌晨1時

    店名鱻潮,其中「鱻」字由三個魚字組成,讀音「鮮」代表新鮮的意思,而潮字代表會不斷更新,選用當季最首選的海鮮做食材。由於店主是水上人,對海鮮特別熟識,更會特別注重海鮮的新鮮程度,因此所有海鮮均是每天新鮮運到店鋪,務求把最新鮮的味道帶給食客,令客人真真正正享受到食材新鮮的手工火鍋及私房菜。

    閱讀全文

下拉加載更多

    1    2    3    4    5    6    7    8    9    10    11    12    13    14    15    16    17    18    19    20    21    22    23    24    25    26    27    28    29    30    31    32    33    34    35    36    37    38    39    40