悠樂分享
蒲精 Hayley 提供
144
>1y
657
甩底.放飛機.爽約.放鴿子

甩人底,同被甩底,我相信大家都試過。

「甩底」英文係 “Stand someone up”,適用於男女約會情境下。例如一個男網友約女網友出街,但臨時唔舒服而爽約,又或者從遠處見到女網友容貌後決定縮沙扮唔舒服而唔應約,都係「甩底」。


甩底同義詞仲有廣東嘅「放飛機」,普通話嘅「爽約」或者「放鴿子」,相當形象化。而甩底仲有分「主動」同「被動」兩者,先講甩人底先。

我身邊都有唔少朋友,而我往往係果啲即興約都冇問題嘅人黎,佢地打個電話比我就可以捉我出街。但我份人比較古怪,一時好鍾意聚會同朋友見下面,一時又覺得人類好麻煩好唔想見人。當我處於「社交模式」時,我會瘋狂約朋友。行街、睇戲、食飯、行山、跑步等等,填到自己個時間表滿哂。


然後過多幾日我就會突然陷入「反社交模式」,極後悔一時約左咁多人,一邊諗爆頭搵理由甩底,一邊希望對方會甩返我底。係,好矛盾。


「Sorry呀今日要ot」

「我等埋你啦,你幾點o完?」

「我都唔知呀,老細都未走我都唔敢走,不如你唔好等我啦」

「咁……」

「下餐飯我嘅」



「我琴晚食完放題屙到而家」

「吓,你冇事嗎?洗唔洗買啲藥比你?」

「唔洗啦唔洗啦,我屙埋就應該冇事了。今日應該出唔到黎喇Sor」

「冇計啦,下次再約」

以上對話適用於甩底同被甩底嘅情況。其實好多時比人甩底果個都心知肚明對方係吹緊水,但既然對方千用盡方法都要賣甩你,你仲可以點?


講到被甩底,最慘莫過於被甩底者滿心歡喜準備哂好行程、食咩餐廳、著咩靚衫,而最後一刻比人一個whatsapp──「sorry呀我唔係好舒服」一嘢收皮。最令人氣憤嘅係,你從對方ig story或者朋友耳中或者親眼得知條友仔其實冇病之餘,仲生勾勾on99出左去搵第個。呢種情況,比人甩底果個彷彿戴上左一頂「友誼的綠帽」。


假如你曾經以九唔搭八、毫無理據、無聊至極嘅原因甩人底,我請你馬上約返果個人出黎再請佢食飯。雖然話人類已經對「甩底」同「被甩底」麻木哂,但作為血肉之軀,都難免會黯然傷痛一陣。假如你仲有良知,請你對果位朋友作出補償。

蒲精 Hayley 提供
127
>1y
2475
飯局有人遲到點算好? 醒你
解決辦法

上次講到聚會揀食咩嘅難題,今次我地就討論下約好哂之後會遇上嘅常見問題榜三甲—遲到或飛機!一班人入面,總會有一兩個人係餐餐例遲,甚至當日先黎放飛機。而我聚會達人Mandy,就有少少意見俾大家可以下次試下喇。

用餐有時限

好多餐廳繁忙時段都有限時還枱制。呢個制度雖然令傾到興高采烈嘅你哋有所困擾,但亦係令搞手可以肆意摧大家早啲或準時到嘅合適理由。或者遲到王都依然會遲少少,但基於呢啲餐廳上菜唔可以太慢,準時到嘅朋友就講句遲到唔等你啦食先喇!遲到太多就有機會食唔倒佢想食嘅好西,佢地就唔會遲得太過份啦!

約早十五分鐘

有啲人,係永遠遲少少都要遲。咁佢改唔倒,唯有你地改時間就佢。試吓淨係約佢早十五分鐘,例如本身你哋想約十二點,你哋就約佢十一點九。就算佢都係遲到,起碼你哋唔使等太耐;萬一佢今次突然轉死性準時到,你哋咪可以話返佢你自己上次都遲到啦,等佢自我反省下。

飛機冇有怕

首先,作為一個友善又體貼嘅聚會達人,我哋要先去了解呢位朋友放飛機嘅原因。如果佢係一個經常OT O到過哂食飯時間嘅人,大家下次聚會其實可以商討下約一啲佢唔需要返工嘅日子。又或者如果佢係太早起唔到身呀,咁你哋就要約夜晚聚喇。如果再不幸啲,你遇着有個朋友仔係習慣性放飛機,而你有非常想維持大家嘅關係,你就要認真同佢傾下,你哋其實真係非常想見到佢㗎。


講咗咁耐,其實搞一個聚會,都只不過係想見下大家,維持友誼。正所謂朋友係要見嘅,如果大家有其他解決遲到飛機友嘅好辦法,歡迎大家都share俾我Mandy聽呀!

老襯 Jack 提供
150
>1y
3682
各位聚會達人,睇下你有幾抵
Deal!

做開搞手嘅人有福了!細細聲話你知,依家用 SoZmart App 搞聚會買優惠,就有 4% Zmart Coin 回贈!記住千祈千祈唔好周圍同人講,到時個個爭住做搞手就唔好啦!

第一步-買三張有標示「聚在一起」的優惠券以成為聚會達人 第二步-賺取現金回贈 第三步-賺取雙倍現金回贈 若有疑問,請致電22419333 下載app

蒲精 Hayley 提供
155
>1y
702
約食飯好比打開潘朵拉盒子

平時一個麻甩佬出街食飯就好簡單,大部分時間都係快餐、茶記。有時屎忽痕或者月頭剛出糧想對自己好啲就會食下其他。唔理中西日韓泰越意法西,總之間餐廳會提供嘢食,ok,「一位吖唔該」,或者直接無視啲阿姐一個屁股坐低,望望餐牌兩秒,「唔該寫嘢」。

一枝公食飯就是咁簡單。食乜、食幾耐、有冇卡位坐都唔係考慮因素,總之填到肚就可以一戰。不過人有尊嚴,怕社會嘅批判,正常一枝公都唔會去食放題、buffet。如果你係會嘅,恭喜你,你係一個無懼世俗目光嘅勇士。

兩個人又唔同玩法,尢其是同女朋友或女性友人出街,「食咩」呢個話題簡直係潘朵拉盒子,每次一講食乜都搞到我個心卜卜卜卜咁跳──講左半個鐘頭依然唔知想食乜,提出嘅餐廳又一一被否決,我嘅血壓帶動我嘅心臟卜卜卜卜卜卜卜卜。


凡事不可一概而論。的確有女仔係好隨和,食乜都得,有時仲會主動提議帶我呢個求其麻甩佬去食廉價高質菜。你知我地男人好求其,唔好太貴、唔好食到肚痛想嘔就得。


兩個人食飯有兩個人嘅好處,因為等位都總係好快。例如食迴轉壽司,即使屏幕顯示要等100個位,但大部分人都等唔切會去左食其他餐廳,加上只得兩個人嘅數量優勢,入座唔洗等太耐。


同埋兩個人食飯易話為。點解?因為你只需要遷就一個人,假如你係隨和派,對話提議任何餐廳你都會say yes。即使你有點挑剔,兩個人要磨合話咁易。糧尾食金拱門,糧頭食酒店buffet,基本上兩個人真係食乜都得。不過有啲人認為人少唔應該食放題,因為胃容量細,唔可以試太多嘢。


嗱,一大棚人去搵餐廳就係惡夢黎嘅。首先選擇都少左一大截。


當好幾個人出黎食飯,正路會book位,唔book位嘅話六七個人要入座真係要等返一頭半個鐘。而能容納咁多人嘅黎黎去去都係放題、邊爐、partyroom、café、大排檔,再唔係去中菜廳開一圍。無錯,選擇係少好多,不過鬼叫你咁大棚人咩,店方都好難安排座位。

同時,人多自然想傾耐啲,上面講嘅餐廳都最少可以坐返兩個鐘,食飽飯同朋友吹兩句都仲得。但食其他餐廳呢,菜剛食完啲侍應該開始收哂你啲碗碟、扮睇唔到你個水杯係空嘅、扮唔知你張枱上齊餸未,係咁派唔同人黎問你「菜到齊未呢?」,翻譯出來就係「我頂你個肺食完好走啦生人霸死地出面大把人排緊隊架唔洗做啊?」令有良知嘅我總是坐立不安想快手快腳埋單鬆人。要搵啲唔會一食完飯就踢你走嘅餐廳,好似都係得上述果啲?


其實「食飯」係一把雙面刃。人多就開心熱鬧,人少就方便快捷。而我總係人多時想人少,人少時想人多。不過講到尾,約飯都係為左見朋友啫,等位、選擇少呢少少苦楚,算得啲咩吖。

老襯 Jack 提供
166
>1y
747
情人節送咩好? 有心思 D
IY 皮革銀包

情人節將至,又到大家臨急抱佛腳嘅時候了。請講到有心思有誠意,當然DIY係實冇死嘅。今次我就訂左款皮革銀包材料包,一針一線咁整左個靚靚銀包出黎。

雖然銷售平台主要賣台灣產品,但我特登向一間香港皮革店下單,咁就會快啲收到件貨。加上賣家係發順豐嘅,所以兩日內我就收到個包裏了。

雖然唔洗四百蚊,但個材料包連包裝都一啲都唔馬虎,整個設計好高檔,令我諗起我第一次買IPHONE時開箱果陣嘅興奮。盒內有所有所需嘅工具材料,絕對唔需要自己準備其他野。盒內仲附有張心意卡,整完個銀包後,放啲碎紙條喺盒內,再放入銀包同心意卡就可以成盒野送比你bb,真係一條龍禮物套餐。


材料包會跟一卷米白色蠟線,但我決定比多幾蚊加購一卷藍線,諗住玩拼色,而且有個人風格啲。此外,賣家仲可以免費幫大家響皮革上刻字,令個銀包更有個人品味。

雖然銷售平台主要賣台灣產品,但我特登向一間香港皮革店下單,咁就會快啲收到件貨。加上賣家係發順豐嘅,所以兩日內我就收到個包裏了。


其實,我幾年前都上過皮革銀包班,但當時收費都要過千蚊,仲要個導師態度好差orz,而整出黎嘅銀包仲厚過啲卡疊埋……幸好呢次就冇呢個問題。雖然話整過,但我真心唔記得哂一切,幸好材料包內附有說明書,賣家仲有個YOUTUBE CHANNEL教買家整銀包嘅每一步。


整個過程用左大約2-3小時,我係邊睇劇邊整嘅,一有唔識就睇返賣家個CHANNEL,所以都冇乜難度。


除左八卡三摺短銀包之外,賣家仲有其他款嘅材料包。若然你個BB又或者你自己鍾意有/冇相位或散紙位都可以選擇。除左我介紹果個賣家之外你仲可以搵到其他皮革店,但記住搵返香港店呀,否則分分鐘情人節過左件包裏都仲未到。

蒲精 Hayley 提供
甩底.放飛機.爽約.放鴿子
144
>1y
657

甩人底,同被甩底,我相信大家都試過。

「甩底」英文係 “Stand someone up”,適用於男女約會情境下。例如一個男網友約女網友出街,但臨時唔舒服而爽約,又或者從遠處見到女網友容貌後決定縮沙扮唔舒服而唔應約,都係「甩底」。


甩底同義詞仲有廣東嘅「放飛機」,普通話嘅「爽約」或者「放鴿子」,相當形象化。而甩底仲有分「主動」同「被動」兩者,先講甩人底先。

我身邊都有唔少朋友,而我往往係果啲即興約都冇問題嘅人黎,佢地打個電話比我就可以捉我出街。但我份人比較古怪,一時好鍾意聚會同朋友見下面,一時又覺得人類好麻煩好唔想見人。當我處於「社交模式」時,我會瘋狂約朋友。行街、睇戲、食飯、行山、跑步等等,填到自己個時間表滿哂。


然後過多幾日我就會突然陷入「反社交模式」,極後悔一時約左咁多人,一邊諗爆頭搵理由甩底,一邊希望對方會甩返我底。係,好矛盾。


「Sorry呀今日要ot」

「我等埋你啦,你幾點o完?」

「我都唔知呀,老細都未走我都唔敢走,不如你唔好等我啦」

「咁……」

「下餐飯我嘅」



「我琴晚食完放題屙到而家」

「吓,你冇事嗎?洗唔洗買啲藥比你?」

「唔洗啦唔洗啦,我屙埋就應該冇事了。今日應該出唔到黎喇Sor」

「冇計啦,下次再約」

以上對話適用於甩底同被甩底嘅情況。其實好多時比人甩底果個都心知肚明對方係吹緊水,但既然對方千用盡方法都要賣甩你,你仲可以點?


講到被甩底,最慘莫過於被甩底者滿心歡喜準備哂好行程、食咩餐廳、著咩靚衫,而最後一刻比人一個whatsapp──「sorry呀我唔係好舒服」一嘢收皮。最令人氣憤嘅係,你從對方ig story或者朋友耳中或者親眼得知條友仔其實冇病之餘,仲生勾勾on99出左去搵第個。呢種情況,比人甩底果個彷彿戴上左一頂「友誼的綠帽」。


假如你曾經以九唔搭八、毫無理據、無聊至極嘅原因甩人底,我請你馬上約返果個人出黎再請佢食飯。雖然話人類已經對「甩底」同「被甩底」麻木哂,但作為血肉之軀,都難免會黯然傷痛一陣。假如你仲有良知,請你對果位朋友作出補償。

蒲精 Hayley 提供
飯局有人遲到點算好? 醒你解決辦法
127
>1y
2475

上次講到聚會揀食咩嘅難題,今次我地就討論下約好哂之後會遇上嘅常見問題榜三甲—遲到或飛機!一班人入面,總會有一兩個人係餐餐例遲,甚至當日先黎放飛機。而我聚會達人Mandy,就有少少意見俾大家可以下次試下喇。

用餐有時限

好多餐廳繁忙時段都有限時還枱制。呢個制度雖然令傾到興高采烈嘅你哋有所困擾,但亦係令搞手可以肆意摧大家早啲或準時到嘅合適理由。或者遲到王都依然會遲少少,但基於呢啲餐廳上菜唔可以太慢,準時到嘅朋友就講句遲到唔等你啦食先喇!遲到太多就有機會食唔倒佢想食嘅好西,佢地就唔會遲得太過份啦!

約早十五分鐘

有啲人,係永遠遲少少都要遲。咁佢改唔倒,唯有你地改時間就佢。試吓淨係約佢早十五分鐘,例如本身你哋想約十二點,你哋就約佢十一點九。就算佢都係遲到,起碼你哋唔使等太耐;萬一佢今次突然轉死性準時到,你哋咪可以話返佢你自己上次都遲到啦,等佢自我反省下。

飛機冇有怕

首先,作為一個友善又體貼嘅聚會達人,我哋要先去了解呢位朋友放飛機嘅原因。如果佢係一個經常OT O到過哂食飯時間嘅人,大家下次聚會其實可以商討下約一啲佢唔需要返工嘅日子。又或者如果佢係太早起唔到身呀,咁你哋就要約夜晚聚喇。如果再不幸啲,你遇着有個朋友仔係習慣性放飛機,而你有非常想維持大家嘅關係,你就要認真同佢傾下,你哋其實真係非常想見到佢㗎。


講咗咁耐,其實搞一個聚會,都只不過係想見下大家,維持友誼。正所謂朋友係要見嘅,如果大家有其他解決遲到飛機友嘅好辦法,歡迎大家都share俾我Mandy聽呀!

老襯 Jack 提供
各位聚會達人,睇下你有幾抵 Deal!
150
>1y
3682

做開搞手嘅人有福了!細細聲話你知,依家用 SoZmart App 搞聚會買優惠,就有 4% Zmart Coin 回贈!記住千祈千祈唔好周圍同人講,到時個個爭住做搞手就唔好啦!

第一步-買三張有標示「聚在一起」的優惠券以成為聚會達人 第二步-賺取現金回贈 第三步-賺取雙倍現金回贈 若有疑問,請致電22419333 下載app

蒲精 Hayley 提供
約食飯好比打開潘朵拉盒子
155
>1y
702

平時一個麻甩佬出街食飯就好簡單,大部分時間都係快餐、茶記。有時屎忽痕或者月頭剛出糧想對自己好啲就會食下其他。唔理中西日韓泰越意法西,總之間餐廳會提供嘢食,ok,「一位吖唔該」,或者直接無視啲阿姐一個屁股坐低,望望餐牌兩秒,「唔該寫嘢」。

一枝公食飯就是咁簡單。食乜、食幾耐、有冇卡位坐都唔係考慮因素,總之填到肚就可以一戰。不過人有尊嚴,怕社會嘅批判,正常一枝公都唔會去食放題、buffet。如果你係會嘅,恭喜你,你係一個無懼世俗目光嘅勇士。

兩個人又唔同玩法,尢其是同女朋友或女性友人出街,「食咩」呢個話題簡直係潘朵拉盒子,每次一講食乜都搞到我個心卜卜卜卜咁跳──講左半個鐘頭依然唔知想食乜,提出嘅餐廳又一一被否決,我嘅血壓帶動我嘅心臟卜卜卜卜卜卜卜卜。


凡事不可一概而論。的確有女仔係好隨和,食乜都得,有時仲會主動提議帶我呢個求其麻甩佬去食廉價高質菜。你知我地男人好求其,唔好太貴、唔好食到肚痛想嘔就得。


兩個人食飯有兩個人嘅好處,因為等位都總係好快。例如食迴轉壽司,即使屏幕顯示要等100個位,但大部分人都等唔切會去左食其他餐廳,加上只得兩個人嘅數量優勢,入座唔洗等太耐。


同埋兩個人食飯易話為。點解?因為你只需要遷就一個人,假如你係隨和派,對話提議任何餐廳你都會say yes。即使你有點挑剔,兩個人要磨合話咁易。糧尾食金拱門,糧頭食酒店buffet,基本上兩個人真係食乜都得。不過有啲人認為人少唔應該食放題,因為胃容量細,唔可以試太多嘢。


嗱,一大棚人去搵餐廳就係惡夢黎嘅。首先選擇都少左一大截。


當好幾個人出黎食飯,正路會book位,唔book位嘅話六七個人要入座真係要等返一頭半個鐘。而能容納咁多人嘅黎黎去去都係放題、邊爐、partyroom、café、大排檔,再唔係去中菜廳開一圍。無錯,選擇係少好多,不過鬼叫你咁大棚人咩,店方都好難安排座位。

同時,人多自然想傾耐啲,上面講嘅餐廳都最少可以坐返兩個鐘,食飽飯同朋友吹兩句都仲得。但食其他餐廳呢,菜剛食完啲侍應該開始收哂你啲碗碟、扮睇唔到你個水杯係空嘅、扮唔知你張枱上齊餸未,係咁派唔同人黎問你「菜到齊未呢?」,翻譯出來就係「我頂你個肺食完好走啦生人霸死地出面大把人排緊隊架唔洗做啊?」令有良知嘅我總是坐立不安想快手快腳埋單鬆人。要搵啲唔會一食完飯就踢你走嘅餐廳,好似都係得上述果啲?


其實「食飯」係一把雙面刃。人多就開心熱鬧,人少就方便快捷。而我總係人多時想人少,人少時想人多。不過講到尾,約飯都係為左見朋友啫,等位、選擇少呢少少苦楚,算得啲咩吖。

老襯 Jack 提供
情人節送咩好? 有心思 DIY 皮革銀包
166
>1y
747

情人節將至,又到大家臨急抱佛腳嘅時候了。請講到有心思有誠意,當然DIY係實冇死嘅。今次我就訂左款皮革銀包材料包,一針一線咁整左個靚靚銀包出黎。

雖然銷售平台主要賣台灣產品,但我特登向一間香港皮革店下單,咁就會快啲收到件貨。加上賣家係發順豐嘅,所以兩日內我就收到個包裏了。

雖然唔洗四百蚊,但個材料包連包裝都一啲都唔馬虎,整個設計好高檔,令我諗起我第一次買IPHONE時開箱果陣嘅興奮。盒內有所有所需嘅工具材料,絕對唔需要自己準備其他野。盒內仲附有張心意卡,整完個銀包後,放啲碎紙條喺盒內,再放入銀包同心意卡就可以成盒野送比你bb,真係一條龍禮物套餐。


材料包會跟一卷米白色蠟線,但我決定比多幾蚊加購一卷藍線,諗住玩拼色,而且有個人風格啲。此外,賣家仲可以免費幫大家響皮革上刻字,令個銀包更有個人品味。

雖然銷售平台主要賣台灣產品,但我特登向一間香港皮革店下單,咁就會快啲收到件貨。加上賣家係發順豐嘅,所以兩日內我就收到個包裏了。


其實,我幾年前都上過皮革銀包班,但當時收費都要過千蚊,仲要個導師態度好差orz,而整出黎嘅銀包仲厚過啲卡疊埋……幸好呢次就冇呢個問題。雖然話整過,但我真心唔記得哂一切,幸好材料包內附有說明書,賣家仲有個YOUTUBE CHANNEL教買家整銀包嘅每一步。


整個過程用左大約2-3小時,我係邊睇劇邊整嘅,一有唔識就睇返賣家個CHANNEL,所以都冇乜難度。


除左八卡三摺短銀包之外,賣家仲有其他款嘅材料包。若然你個BB又或者你自己鍾意有/冇相位或散紙位都可以選擇。除左我介紹果個賣家之外你仲可以搵到其他皮革店,但記住搵返香港店呀,否則分分鐘情人節過左件包裏都仲未到。

其他熱門文章

親子放電

小編同你率先試玩! 亞洲體育電競《AME運動電競館》融合「運動」同「電競」體驗全身肌肉大爆炸!

167

8d

498

潮流熱話

【酒店優惠】超豪華五星海景住宿 $825/位 嘆早餐、下午茶、黃昏雞尾酒-港島海逸君綽酒店

137

27d

404

親子放電

【西貢好去處】體驗開蚌尋珠 珍珠首飾DIY 工作坊 &親子優惠 釣魚學保育

112

30d

480

玩樂據點

【快閃4折優惠!】五星酒店住宿+晚餐每位$348起!可 3 位成人/2 大 1 小入住! 送套餐及特式飲品/生日蛋糕 - 九龍海逸君綽酒店住宿連晚餐立即訂購!

146

35d

611

潮流熱話

掛住台灣? 搜羅3大台灣手信網購優惠! 爆漿芋泥卷

108

48d

583

SoZ媽學堂

【濕度100%!】去濕湯水大合集〜

162

49d

355

友人飯聚

太子Chill 爆西餐 嘆住炸雞配手工啤 睇Live Band

194

55d

280

親子放電

【親子放電】 慈雲山親子放電新蒲點 「水」主題過萬呎歷奇樂園

122

79d

638

我的購物車

 

 

 

 

 

 

選擇結賬支付方式:

 

下一步
結帳前為您推介
$176
$22020% OFF

香港大富翁夢想世界™️ 門票

6

$256
$2560% OFF

家港口罩-彩色限量版

634

$799
$% OFF

輝哥私房菜 極上龍蝦鮑魚 / 一品龍蝦盆菜盆菜

1337

$168
$53669% OFF

緣味小聚-外賣龍鳳配超抵優惠(買客家雞一隻送龍蝦!)

444

$238
$36835% OFF

醉辣鮮-人氣龍蝦海鮮蒸鍋餐(1位用)

376