【搞手福音】約人揀食咩一App過

約人搞飯局好麻煩?Whatsapp Group 永遠懶覆,最後又要逐個問?又要迫班友仔交期,又要諗食咩,個個想食嘅嘢都唔同?依家一個 App 就可以解決晒所有煩惱!

教你【懶人搞飯聚大法】

聚會

打開 SoZmart App,撳底下個橙色制,再撳「聚會」

新增聚會

如果你冇搞過聚會,應該見到呢個畫面。撳紅框圈起嘅字就可以搞個新聚會。(如果你有搞過聚會就撳螢幕底下嘅加號)

揀聚會類型

揀你想搞嘅活動,我依家示範下點樣搞「飯局」啦!

填好活動資料

填好活動資料,跟住撳「完成」

分享聚會

撳上面個分享制會有一條 Link,將條 Link Send 俾你想邀請嘅飯友就得㗎啦。曾經用過呢個 App 嘅朋友會直接出現喺下面個清單到,只要剔咗佢個名,佢就會收到通知㗎啦!

之後撳右上角嘅「完成」就會見到下面呢個畫面。

聚會資料

第一個框框住嘅地方,可以睇到今次聚會有咩人,邊個乖仔得閑,邊個衰女又笠水!

有咩人

第二個框框住嘅地方,撳入去可以留低討論。

留言

回應

其他人都可以留言回應同讚好。

投票

除咗可以留言之外,仲可以發起投票!

新增投票選項

撳綠色嘅長方形制可以新增投票選項,可以加 SoZmart 嘅優惠,或者純文字嘅選項。打埋投票嘅「結束日期」,再揀右上角嘅「完成」就可以開放投票!

參與投票

所有受邀請嘅朋友都可以喺「投票」 ,嗰到見到,撳「立即投票」就可以投票,一人一票非常公平!

投票頁面

點選「優惠詳情」會直接帶你去 SoZmart 嘅優惠頁面,間餐廳嘅資料一目了然!

投票結果

搞手就可以舒舒服服根據投票結果訂定枱!咁簡單,仲唔即刻搞返幾個 Gathering 敍下舊!